રાહુલ સેઠને લંડનમાં ભારત ગૌરવ સન્માન એવોર્ડથી સન્માનિત કરવામાં આવ્યા

લંડનમાં ભારતીય સંસ્કૃતિ મંત્રાલયના નેજા હેઠળ યોજાયો કાર્યક્રમ રાહુલ સેઠના ખાસ કરીને રચેલા ત્રણ ગીતો લંડનમાં રજૂ કર્યા વિશ્વ શાંતિ ગીત અત્યાર સુધીમાં 30 દેશોમાં વગાડવામાં આવ્યું જાણીતા સંગીત રચયિતા, ગાયક, ગીતકાર અને અવાજ અભિનેતા રાહુલ બી સેઠને લંડનમાં પ્રતિષ્ઠિત હાઉસ ઓફ લોર્ડ્સ ખાતે ભારત ગૌરવ સન્માન એવોર્ડ મેળવીને ભારતને ગૌરવ વધારવામાં આવ્યું છે. રાહુલ બી સેઠે ભારતના સાંસ્કૃતિક રાજદૂત તરીકે લંડનમાં ભારતીય સંસ્કૃતિ મંત્રાલયના નેજા હેઠળ આયોજીત ત્રણ દિવસીય ભવ્ય 'ભારત મહોત્સવ' કાર્યક્રમમાં ભાગ લીધો હતો. રાહુલ શેઠ ગુજરાતી ફિલ્મ જગતના જાણીતા થિયેટર એક્ટર દેવેન્દ્ર પંડિતના જમાઇ છેઆ પ્રસંગે હાઉસ ઓફ લોર્ડ્સમાં ભારતના કેન્દ્રીય સંસ્કૃતિ અને વિદેશ રાજ્ય મંત્રી મીનાક્ષી લેખીનો વિશેષ વિડિયો સંદેશ બતાવવામાં આવ્યો હતો. તેમજ ભવ્ય ઉત્સવના મુખ્ય અતિથિ સંધ્યા પુરેચા હતા જેઓ સંગીત નાટક અકાદમીના પ્રમુખ છે. રાહુલે ખાસ કરીને આ પ્રસંગ માટે રચેલા ત્રણ ગીતો રજૂ કર્યા હતા. જેમાં તેમના દ્વારા "મન કી બાત", "અહમ ભારતીયમ", "જય જય સિયારામ" શીર્ષકવાળા 3 વિશેષ ગીતો બનાવ્યા જે તેમણે ડૉ. અમિતાભ સાથે ભારતીય હાઈ કમિશનના પ્રતિષ્ઠિત નેહરુ સેન્ટર અને ભવનના સાંસ્કૃતિક કેન્દ્રમાં રજૂ કર્યા હતા. આ ભારત મહોત્સવમાં રાહુલના વિશ્વ શાંતિ માટેના આંતરરાષ્ટ્રીય ગીતની પણ ખૂબ પ્રશંસા કરવામાં આવી હતી. તેમનું વિશ્વ શાંતિ ગીત અત્યાર સુધીમાં 30 દેશોમાં વગાડવામાં આવ્યું છે.તેમજ આ કાર્યક્રમમાં વિશ્વ વિખ્યાત નૃત્ય નિર્દેશક સંદીપ સોપારકર, મિસ વર્લ્ડ સિમરન આહુજા, હરિયાણવી લોક કલાકાર પદ્મશ્રી મહાબીર સિંહ ગુડ્ડુ, પ્રખ્યાત ગાયક બાલી બ્રહ્મભટ્ટ, વિશ્વ વિખ્યાત ફેશન ડિઝાઇનર રીના ઢાકા પણ શોભા વધારવા માટે હાજર રહ્યા હતા.રાહુલ બી સેઠની કારકિર્દી રાહુલ બી સેઠ કલાના ક્ષેત્રમાં તેમના સર્વાંગી કાર્ય માટે જાણીતા છે. જાહેરાતની દુનિયામાં અઢી હજારથી વધુ મોટી બ્રાન્ડ્સ માટે જાહેરાત જિંગલ્સ અને ગીતગીતો કરવાની સાથે, તેણે બોલિવૂડની ફિલ્મો યમલા પગલા દીવાના, હીરોઝ, વાદા રહા, ખેલ, બાગી અને અન્ય ઘણી ફિલ્મોમાં સંગીત આપ્યું અને પ્લેબેક સિંગિંગ પણ કર્યું. ફિલ્મોની વાત કરવામાં આવે તો રાહુલે વિલ સ્મિથ, કોલિન ફેરેલ, એરોન એકહાર્ટ, ડોન ચેડલ અને માઈકલ શેનન જેવા ઘણા મોટા હોલીવુડ સ્ટાર્સના હિન્દી અવાજો પણ આપ્યા છે.