Gujarat Rain: રાજ્યના કેટલાક વિસ્તારોમાં હળવો વરસાદ, ખેડૂતો થયા ખુશ

ભાવનગર, ડભોઈ, નવસારી, ડાંગમાં વરસાદી માહોલકેટલાક શહેરના વાતાવરણમાં આવ્યો અચાનક પલટો ગરમીથી લોકોને મળી થોડી રાહત રાજ્યમાં મેઘરાજાએ એન્ટ્રી લઈ લીધી છે. રાજ્યના કેટલાક વિસ્તારોમાં ઝરમર વરસાદ તો કેટલાક વિસ્તારમાં હળવો વરસાદ વરસ્યો છે, ત્યારે મોટાભાગના વિસ્તારના વાતાવરણમાં અચાનક પલટો આવ્યો છે. રાજ્યના ભાવનગર, ડભોઈ, નવસારી, ડાંગમાં વરસાદી માહોલ જોવા મળ્યો છે. ગરમીથી લોકોને મળી રાહત જો ભાવનગર શહેરની વાત કરીએ તો શહેરના રૂપાણી સર્કલ વિસ્તાર, મોખડાજી સર્કલ, ઘોઘા સર્કલ તેમજ લીંબડીયા વિસ્તારમાં ઝરમર વરસાદ વરસતા વાતાવરણમાં ઠંડક પ્રસરી છે અને ભારે બફારામાંથી લોકોને રાહત મળી છે. ખેડૂતો થયા ખુશ ત્યારે બીજી તરફ નવસારીમાં મેઘરાજાએ જોરદાર એન્ટ્રી કરી છે અને શહેરના તમામ વિસ્તારોમાં વરસાદ શરૂ થયો છે. ત્યારે ખેડૂતોમાં એક અલગ જ પ્રકારની ખુશી જોવા મળી રહી છે. ડાંગ જિલ્લામાં પણ વરસાદી માહોલ છવાયો છે અને પવન સાથે વરસાદનું આગમન થયુ છે. આહવા, વધઈ સહિતના વિસ્તારોમાં વરસાદી માહોલ જોવા મળ્યો છે.