રાજ્યમાં કાળઝાળ ગરમીનો પ્રકોપ યથાવત, આ શહેરોમાં હીટવેવની આગાહી

હવામાન વિભાગે આપ્યું ગરમીનું 2 દિવસનું યલો અલર્ટ સૌરાષ્ટ્ર અને કચ્છમાં હીટવેવની આગાહી કરાઇ અમદાવાદમાં મહત્તમ તાપમાન 40.0 ડિગ્રી નોંધ્યું રાજ્યમાં કાળઝાળ ગરમીનો પ્રકોપ યથાવત છે. જેમાં હવામાન વિભાગે ગરમીનું 2 દિવસનું યલો અલર્ટ આપ્યું છે. તેમાં સૌરાષ્ટ્ર અને કચ્છમાં હીટવેવની આગાહી છે. અમદાવાદ,આણંદ અને બનાસકાંઠામાં રાત્રિના સમયે ગરમીની આગાહી કરવામાં આવી છે. અમદાવાદમાં મહત્તમ તાપમાન 40.0 ડિગ્રી નોંધ્યું અમદાવાદમાં મહત્તમ તાપમાન 40.0 ડિગ્રી નોંધ્યું છે. તથા અમરેલીમાં સૌથી વધુ 40.8 ડિગ્રી તાપમાન નોંધાયુ છે. રાજ્યના 3 શહેરોમાં તાપમાન 40 ડિગ્રી પાર પહોંચ્યું છે. રાજ્યમાં 24 કલાકમાં નોંધાયેલ તાપમાનના આંકડા જોઇએ તો અમદાવાદ 40.0 ડિગ્રી, ગાંધીનગર 39.6 ડિગ્રી, ડીસા 39.1 ડિગ્રી, વડોદરા 39.6 ડિગ્રી, અમરેલી 40.8 ડિગ્રી તેમજ ભાવનગર 38.2 ડિગ્રી તાપમાન રહ્યું છે. મે મહિનો લોકો માટે અગ્નિપરિક્ષા સમાન બની રહેશે તાપમાનનો પારો સતત ઉચકાઇ રહ્યો હોય અનેક લોકો ગરમીમાં બહાર નિકળવાનું ટાળી રહ્યા છે. સતત ગરમીથી બચવા નાગરીકો ઠંડાપીણાનું સેવન કરતા જોવા મળી રહ્યા છે. જ્યારે પશુપક્ષીઓ પણ અસહ્ય ગરમીમાં દૈનિય હાલતમાં જોવા મળી રહ્યા છે. ગ્રામ્ય વિસ્તારોમાં ગરમ પવન ફુંકાતા લુ લાગવાની પણ શરૂઆત થઇ છે. માર્ચ માસના અંતિમ દિવસોમાં અચાનક ઉષ્ણતામાનનો પારો 40 ડિગ્રીએ પહોંચતા એપ્રિલ અને મેં મહિનો લોકો માટે અગ્નિપરિક્ષા સમાન બની રહેશે.