Gandhinagarના મેયર અને ડેપ્યુટી મેયરના નામને લઈ 16 જૂને થશે ચર્ચા

ગાંધીનગર મનપાનાં પદાધિકારીઓના નામની ચર્ચા થશે સ્ટેન્ડિંગ કમિટી ચેરમેન પદે કોણ તેના નામ પર થશે મંથન ગાંધીનગરમાં મેયર પદ સામાન્ય મહિલા અનામત છે ગાંધીનગરમાં 16 જૂનના રોજ ભાજપની પાર્લામેન્ટરી બોર્ડની બેઠક મળશે જેમાં ગાંધીનગર મ્યુ.કોર્પોરેશનના મેયર અને ડેપ્યુટી મેયરના નામને લઈ ચર્ચા કરવામાં આવશે,આ વખતે પાટીદાર અને બ્રહ્મ સમાજમાંથી કોઈને મળી શકે સ્થાન.મેયર, ડેપ્યુટી મેયર અને સ્ટેન્ડિંગ કમિટી ચેરમેન પદે કોણ હશે તેના નામો પર થશે મંથન. ગાંધીનગર પાલિકામાં ભાજપનું શાસન ગાંધીનગર મહાનગરપાલિકામા હાલ ભાજપનું શાસન છે. અને 44 માંથી 41 કોર્પોરેટરો ભાજપ તરફે ચુંટાઈને આવ્યા છે. ત્યારે લોકસભા ચુંટણી પહેલા કોંગ્રેસના બે કોર્પોરેટરો ભાજપમાં જોડાઈ જતા ભાજપના કોર્પોરેટરોનું સંખ્યાબળ 43 થઈ ચુક્યું છે. આ સ્થિતિમાં હાલના મેયર હિતેશ મકવાણા અને ડેપ્યુટી મેયર તેમજ સ્થાયી સમિતિના ચેરમેનની મુદત ગત 20 એપ્રિલના રોજ પૂર્ણ થઈ ગઈ હતી. અચાનક તારીખ બદલાઈ 7 મેએ લોકસભાની ચૂંટણીની આદર્શ આચાર સંહિતા લાગુ હોવાથી તે પહેલા સામાન્ય સભા બોલાવી શક્ય ન હતી. જેથી લોકસભા ચુંટણી પૂર્ણ થતાની સાથે જ 10મી જૂને સામાન્ય સભાની જાહેરાત કરવામાં આવી હતી. હાલના મેયર દ્વારા 10 જૂનના રોજ નવા પદાધિકારીઓની નિમણૂક માટે સામાન્ય સભાનો એજન્ડા પણ બહાર પાડી દેવામાં આવ્યો હતો.પરંતુ આજે એકાએક મેયર હિતેશ મકવાણા એ અનિવાર્ય કારણસર સભા રદ કરી દેવામાં આવી હતી. અને 16 મી જૂન સામાન્ય સભા યોજવાની જાહેરાત કરવામાં આવી છે. મામલો ડખે ચડયો મેયરની નિમણૂકનો મામલો પાછો ડખે ચડ્યો છે. મહાનગરપાલિકામાં મેયર ડેપ્યુટી મેયર અને સ્ટેન્ડિંગ કમિટીના ચેરમેનની નિમણૂકનો મામલો ડખે ચડતા મેયર સહિતના પદાધિકારીઓની નિમણૂક માટે યોજાનારી આજની સામાન્ય સભા મુલતવી રાખવાની ફરજ પડી છે. હવે આગામી 16 જૂને મેયર સહિતના હોદ્દેદારોની ચૂંટણી યોજવામાં આવશે.