Devbhumi Dwarkaના દરિયા કિનારેથી ચરસના 60 પેકેટ ઝડપાયા,પોલીસ થઈ દોડતી

વાચ્છું ગોરિંજાના દરિયાકિનારેથી ઝડપાયા ચરસના પેકેટ બિનવારસી હાલતમાં મળી આવ્યા ચરસના પેકેટ પોલીસે દરિયાકિનારા વિસ્તારોમાં હાથધર્યું સર્ચ દ્વારકાના વાચ્છું ગોરિંજાના દરિયા કિનારેથી બિન વારસી હાલતમાં ચરસના 60 પેકેટ ઝડપાતા દ્રારકા પોલીસ દોડતી થઈ છે.આ પેકેટ બિનવારસી હાલતમાં મળી આવતા પોલીસ પણ મૂંઝવણમાં મૂકાઈ છે.સતત એક સપ્તાહમાં ત્રણ સ્થળોએથી કરોડોની કિંમતનો ચરસનો બિન વારસી હાલતમાં જથ્થો ઝડપાતા સુરક્ષા એજન્સીઓ માટે પડકાર ફેંકતા ડ્રગ્સ માફિયા. 11 જૂન 2024ના રોજ પણ ઝડપાયુ ડ્રગ્સ દ્રારકામાંથી ગુજરાત પોલીસે દેવભૂમિ દ્વારકા જિલ્લાના દરિયાકાંઠાના વિસ્તારમાંથી 16 કરોડ રૂપિયાની કિંમતના ઉચ્ચ ગુણવત્તાવાળા અફઘાની ચરસ જપ્ત કર્યા છે.પોલીસે વધુ પેકેટ શોધવા માટે 50 કિલોમીટરના દરિયાકાંઠાના વિસ્તારમાં પેટ્રોલિંગ સઘન બનાવ્યું છે, જેમાં 10 થી 12 ગામોનો સમાવેશ થાય છે.સાગર સુરક્ષા દળની ટીમે, વરલા ગામના દરિયાકાંઠાના વિસ્તારમાં પેટ્રોલિંગ કરતી વખતે, ત્રણ પ્લાસ્ટિકની થેલીઓ મળી, જેમાં કેટલાક નશીલા પદાર્થના 30 પેકેટ હતા, દરેકનું વજન લગભગ 1 કિલો હતું. 12 જૂન 2024ના રોજ અમદાવાદ એરપોર્ટ પરથી ડ્રગ્સ ઝડપાયું અમદાવાદના ઇન્ટરનેશનલ એરપોર્ટ પરથી એક ફિલિપાઇન્સની મહિલા પાસેથી રૂપિયા 6.50 કરોડની કિંમતનું હેરોઇન જપ્ત કર્યું હતું. આ ડ્રગ્સનો જથ્થો અમદાવાદમાં સપ્લાય કરવાનો હતો. પ્રાથમિક તપાસમાં આ મહિલા બે વર્ષમાં 20 વાર ભારતમાં અલગ અલગ શહેરોમાં આવી ચુકી હતી. જેમાં ત્રણ વાર અમદાવાદ આવી હતી. જેના આધારે ડ્રગ્સ સપ્લાયની કડી મેળવવા માટે તપાસ શરૂ કરવામાં આવી છે. ડ્રગ્સ માફિયાનો નવો પેતરો આજે દ્વારકા જિલ્લાના દરિયાકાંઠેથી ચરસના પેકેટ મળી આવ્યા છે. જ્યારે આ આગાઉ પણ બિનવારસી ચરસના પેકેટ મળી આવ્યા હતા. ઉલ્લેખનીય છે કે, ડ્રગ્સ માફિયાઓએ હવે નવો પેતરો અપનાવ્યો છે. જેમાં ઈન્ટરનેશનલ સી બોર્ડર પરથી ડ્રગ્સના પેકેટ પ્લાસ્ટીકની કોથળીમાં પેક કરી દરિયામાં ફેંકી દેવામાં આવે છે જે તણાઈને સૌરાષ્ટ્ર-કચ્છના દરિયાકાંઠે પહોંચ્યા બાદ ડ્રગમાફિયાઓના એજન્ટો દ્વારા ડ્રગ્સના આ પેકેટો મેળવી પંજાબ, મુંબઈ સહિતના શહેરોમાં વેચી નાખવામાં આવતું હોવાનું એક નેટવર્ક ચાલી રહ્યું છે.