Rain News: વલસાડ,દમણ અને દાદરા નગર હવેલીમાં બુધવારે ભારે વરસાદ પડવાની આગાહી

મધ્ય અને દક્ષિણ ગુજરાત, સૌરાષ્ટ્રના ગીર સોમનાથમાં આજે હળવો વરસાદ પડી શકેપ્રતિ કલાક 30થી 40 કિ.મી.ની ઝડપે પવન ફૂંકાવાના પણ સંકેત અપાયા વલસાડ, દમણ અને દાદરા નગર હવેલીમાં બુધવારે ભારે વરસાદ પડવાની આગાહી કરવામાં આવી હવામાન વિભાગ દ્વારા આગામી 6 દિવસ રાજ્યના વિવિધ વિસ્તારમાં ગાજવીજ સાથે હળવાથી મધ્યમ પ્રકારનો વરસાદી માહોલ રહેવાની આગાહી કરવામાં આવી છે. જેમાં દક્ષિણ ગુજરાતના વલસાડ, દમણ અને દાદરા નગર હવેલીમાં બુધવારે ભારે વરસાદ પડવાની આગાહી કરવામાં આવી છે. રવિવારે મધ્ય ગુજરાત અને દક્ષિણ ગુજરાતના વિવિધ વિસ્તાર તેમજ સૌરાષ્ટ્રના ગીર સોમનાથમાં હળવો વરસાદ પડવાની શક્યતા છે. આ વિસ્તારોમાં વરસાદની સાથે સાથે પ્રતિકલાકે 30થી 40 કિ.મી.ની ઝડપે પવન ફૂંકાવાના પણ સંકેતો અપાયાં છે. હવામાન ખાતાની આગાહી મુજબ ગાંધીનગર, અરવલ્લી, ખેડા, અમદાવાદ, આણંદ, પંચમહાલ, દાહોદ, વડોદરા, છોટા ઉદેપુર, નર્મદા, ભરૂચ, સુરત, ડાંગ, નવસારી, વલસાડ, તાપી, દમણ દાદરા નગર હવેલી, સુરેન્દ્રનગર, રાજકોટ, જુનાગઢ, અમરેલી, ભાવનગર, ગીર સોમનાથ અને બોટાદમાં આજે શનિવાર સવારના 6 વાગ્યાથી રવિવાર સવારના 6 વાગ્યા સુધીમાં ગાજવીજ સાથે હળવો વરસાદ વરસી શકે છે. આવતીકાલે રવિવારે પંચમહાલ, દાહોદ, વડોદરા, છોટા ઉદેપુર, નર્મદા તેમજ ડાંગ, નવસારી, વલસાડ, તાપી, દમણ અને દાદરાનગર હવેલીમાં તથા ગીર સોમનાથમાં વરસાદી માહોલ રહેશે. બુધવારે વલસાડ, દમણ અને દાદરા નગર હવેલીમાં ભારે વરસાદ પડવાની આગાહી છે. અમદાવાદમાં પારો 40 ડિગ્રીને પાર જતા ગરમી વધી અમદાવાદ શહેરમાં આજે મહત્તમ તાપમાનનો પારો ઉચકાઈ 40 ડિગ્રીને પાર નોંધાતા દિવસે ગરમી વધી હતી. આ સિવાય ગાંધીનગરમાં 40.2 ડિગ્રી, કંડલામાં 40.3 ડિગ્રી, વિ.વિ.નગરમાં 41.3 ડિગ્રી, અમરેલીમાં 40 અને સુરેન્દ્રનગરમાં સૌથી વધુ 41.8 ડિગ્રી તાપમાન નોંધાયુ હતુ. અમદાવાદમાં અત્યારે 38.2 ડિગ્રી તાપમાન નોધાવવુ જોઈએ એના બદલે આજે 40.3 ડિગ્રી નોધાયુ છે, જે 2.1 ડિગ્રી વધુ નોંધાયુ છે.