Morbi News: ફાયર સેફ્ટીના અભાવે શહેરની હોસ્પિટલ, લેબોરેટરી સિલ કરાઇ

ફાયર NOC અને BU સર્ટિફિકેટ ન હોવાથી કરાઇ રહી છે કાર્યવાહીચીફ ઓફિસર અને ફાયરની ટિમ દ્વારા કાર્યવાહી કરાઇ ઓમ હોસ્પિટલ અને એબીઓ લેબોરેટરી સિલ કરવામાં આવી એક તરફ જ્યાં રાજકોટમાં સર્જાયેલા ગોઝારા ગેમ ઝોન અગ્નિકાંડ બાદ સમગ્ર રાજ્યનું વહીવટી તંત્ર ફાયર સેફટીને લઈને સફાળું જાગી ગયું છે અને ઠેર ઠેર ચેકિંગ હાથ ધરવામાં આવ્યું છે અને ફાયર સેફ્ટીનો અભાવ હોય તેવા એકમો પર કાર્યવાહી કરવામાં આવી રહી છે. ત્યારે, મોરબીમાં પણ નગરપાલિકા દ્વારા તપાસ હાથ ધરવામાં આવી છે. જેમાં આજે શહેરની હોસ્પિટલો અને લેબોરેટરી ખાતે તપાસ હાથ ધરવામાં આવી હતી. મળતી માહિતી મુજબ, મોરબી નગરપાલિકાના ચીફ ઓફિસર અને ફાયરની ટિમ દ્વારા હોસ્પિટલો અને લેબોરેટરીઓની તપાસ દરમિયાન કેટલીક હોસ્પિટલોમાં ફાયર સેફટીને લઈને નિયમ ભંગ થયાનું સામે આવ્યું હતું. ટીમ દ્વારા ઓમ હોસ્પિટલ અને એબીઓ લેબોરેટરી સામે ફાયર NOC અને BU સર્ટિફિકેટ ન હોવાને કારણે કાર્યવાહી કરવામાં આવી હતી. મોરબી નગરપાલિકાના ફાયર ઓફિસર દેવેન્દ્રસિંહ જાડેજા દ્વારા જણાવવામાં આવ્યું છે કે, ચીફ ઓફિસર અને ફાયરની ટિમ દ્વારા કાર્યવાહી કરીને ઓમ હોસ્પિટલ અને એબીઓ લેબોરેટરી સિલ કરવામાં આવી છે. તો વધુમાં જાણવા મળી રહ્યું છે કે મોરબી નગરપાલિકા તંત્ર દ્વારા આવતીકાલે પણ કાર્યવાહી ચાલુ રહેશે.