Gujarat Heat Wave: રાજ્ય બન્યું ઓવન, ગાંધીનગરમાં સૌથી વધુ 45 ડિગ્રી ગરમી

આગામી 5 દિવસ માટે રાજ્યમાં હિટવેવની હવામાન વિભાગની આગાહીગાંધીનગરમાં સૌથી વધુ 45 અને કચ્છમાં સૌથી ઓછું 41 ડિગ્રી તાપમાન રાજ્યના મોટાભાગના શહેરોમાં 41 ડિગ્રીથી વધુ તાપમાન રહેવાની આશા હવામાન વિભાગ દ્વારા આગામી કેટલાક દિવસો માટે અમદાવાદ તેમજ મોટા શહેરો સહિત સમગ્ર રાજ્યમાં હિટવેવને લઈને રેડ એલર્ટ આપવામાં આવ્યું છે. ત્યારે આગામી 5 દિવસ સુધી રાજ્યના મોટાભાગના વિસ્તારોમાં 45 ડિગ્રીની આસપાસ તાપમાન રહેવાની શક્યતા છે. રણવિસ્તાર કચ્છમાં સૌથી ઓછું તાપમાન તો આજે રાજ્યના જુદા જુદા શહેરોના તાપમાન પર નજર કરીએ રાજ્યના મોટાભાગના શહેરોમાં આજે 41 ડિગ્રીથી વધુ તાપમાન નોંધાયું છે તેમાં પણ પાટનગર ગાંધીનગરમાં સૌથી વધુ 45 ડિગ્રી તાપમાન નોંધાયું છે. તો સૌથી ઓછું તાપમાન કચ્છ જિલ્લામાં 41.2 ડિગ્રી નોંધાયું છે.મોટાભાગના શહેરોમાં 41 ડિગ્રીથી વધુ તાપમાન  હવામાન વિભાગના મેપ અનુસાર તાપમાન પર નજર કરીએ તો આગમી કેટલાંક દિવસો દરમિયાન ગાંધીનગરમાં સૌથી વધુ 45 ડિગ્રી તાપમાન રહેશે. તો સાથે સાથે અમદાવાદમાં અમદાવાદમાં 44.5 ડિગ્રી, આણંદમાં 44.1 ડિગ્રી, વડોદરામાં 44.2 ડિગ્રી, બનાસકાંઠામાં 43.2 ડિગ્રી, ભાવનગરમાં 42.4 ડિગ્રી, રાજકોટમાં 44.2 ડિગ્રી, અમરેલીમાં 44.0 ડિગ્રી, જામનગરમાં 43 ડિગ્રી, જૂનાગઢમાં 41.7 ડિગ્રી, કચ્છમાં 41.2 ડિગ્રી અને સુરેન્દ્રનગરમાં 44.3 ડિગ્રી તાપમાન રહેવાની સંભાવના છે.હવામાન વિભાગ દ્વારા ગરમીને લઈને ઓરેન્જ એલર્ટ રાજ્યમાં કાળઝાળ ગરમીને લઈને આગામી 5 દિવસ માટે હવામાન વિભાગ દ્વારા અનેજ જિલ્લાઓમાં ગરમીને લઈને ઓરેન્જ એલર્ટ આપવામાં આવ્યું છે. આગામી 5 દિવસ માટે રાજ્યના અનેક જિલ્લાઓમાં હીટવેવની અસર રહેશે. હવામાન વિભાગ દ્વારા અમદાવાદ, સુરત, વલસાડ, પાટણ, સાબરકાંઠા જિલ્લાઓમાં ઓરેન્જ એલર્ટ આપવામાં આવ્યું છે. તો સાથે સાથે, બનાસકાંઠા, આણંદ, ગાંધીનગર, સુરેન્દ્રનગર, રાજકોટ, ભાવનગર, જુનાગઢમાં પણ ઓરેન્જ એલર્ટ આપવામાં આવ્યું છે. તો હવામાન વિભાગ દ્વારા આગામી બે દિવસ માટે વોર્મ નાઈટ વોર્નિંગ પણ આપવામાં આવી છે.