Ahmedabadમાં બોગસ માર્કશીટના આધારે શખ્સે ડાયાલીસીસ ટેક્નિશિયનની નોકરી મેળવ્યાનો આરોપ

ગુજરાત ડાયાલીસીસ પ્રોગ્રામ હેઠળ કરાઈ હતી ભરતી2 વર્ષ બાદ માર્કશીટ બોગસ હોવાનું ખુલ્યુ નોકરી મેળવનાર બિપિન જાદવની શોધખોળ શરૂ અમદાવાદથી વધુ એક બોગસ માર્કશીટનો કેસ સામે આવ્યો છે જેમાં બોગસ માર્કશીટ અને સીસીડીટી કોર્સના સર્ટિફિકેટના આધારે ડાયાલીસીસ ટેક્નિશિયન તરીકે જોડાયેલા શખ્સ સામે ફરિયાદ દાખલ કરવામાં આવી છે. જાણવા મળી રહ્યું છે કે આરોપીએ સૌરાષ્ટ યુનિવર્સિટીની માર્કશીટમાં ચેડા કર્યા હતા અને ડાયાલીસીસ ટેક્નિશિયન તરીકે નોકરી મેળવી હતી. ઉલ્લેખનીય છે કે, ઇન્સ્ટિટ્યુટ ઓફ કિડની ડિસિઝિસ એન્ડ રિસર્ચ સેન્ટરના ગુજરાત ડાયાલિસિસ પોગ્રામ હેઠળ અગાઉ ભરતી કરવામાં આવી હતી. જેમાં એક શખ્સે બનાવટી ડોક્યુમેન્ટના આધારે ભરતી થયો હોવાનું બે વર્ષ બાદ સામે આવ્યું છે. સમગ્ર મામલે CID ક્રાઈમ દ્વારા ગુનો નોંધી નોકરી મેળવનાર બિપીન જાદવની શોધખોળ હાથ ધરી છે. તો બીજી બાજુ જાણવા મળી રહ્યું છે કે જયેશ મકવાણા અને શૈલેષ જાદવની ઓરિજિનલ માર્કશીટનો ઉપયોગ કરીને શખ્સે ડુપ્લિકેટ માર્કશીટ તૈયાર કરીને નોકરી મેળવી હતી. આ બંને શખ્સો વિરુદ્ધ પણ ફરિયાદ દાખલ કરવામાં આવી છે. CID ક્રાઈમે તમામ 3 આરોપીની શોધખોળ હાથ ધરી છે.