Ahmedabad News: ક્રાઇમ બ્રાન્ચે દારૂના જથ્થા સાથે કરી રાજસ્થાનના બુટલેગરની ધરપકડ

રાજસ્થાનના કુખ્યાત ભવાનીસિંહ સોલંકીની ધરપકડપોલીસથી બચવા માટે ગાડીમા રાખતો હતો ઝામર પોલીસને લોકેશન ન મળે તે માટે કરતો જામરનો ઉપયોગ અમદાવાદમાં છેલ્લા કેટલાય સમયથી દારૂની હેરફેરીના એક પછી એક અનેક કિસ્સાઓ સામે આવતા રહે છે ત્યારે અમદાવાદ ક્રાઇમ બ્રાન્ચ દ્વારા વધુ એક બુટલેગરની દારૂના જથ્થા સાથે ધરપકડ કરવામાં આવી છે. મળતી માહિતી મુજબ, અમદાવાદ ક્રાઇમ બ્રાન્ચે દારૂના જથ્થા સાથે એક બુટલેગરની ધરપકડ કરી છે. ક્રાઇમ બ્રાંચ દ્વારા પેટ્રોલિંગ દરમિયાન રાજસ્થાનના ભવાનીસિંહ સોલંકીની ધરપકડ કરી છે. જ્યારે પોલીસે ભવાનીસિંહની ધરપકડ કરી તો પોલીસથી બચવા માટેનો કીમિયો જોઈને પોલીસ પણ ચોંકી ઉઠી હતી. પોલીસના જણાવ્યા પ્રમાણે, આરોપી બુટલેગર ભવાનીસિંહ સોલંકી પોલીસથી બચવા માટે પોતાની ગાડીમા ઝામર રાખતો હતો. જેથી પોલીસ તેનો મોબાઈલ ટ્રેક ન કરી શકે. સાથે સાથે, પોલીસને તેનું લોકેશન ન મળે તેના માટે જામરનો ઉપયોગ કરતો હતો. મહત્વનું છે કે પોલીસે બુટલેગર ભવાનીસિંહ સોલંકી પાસેથી 2.70 લાખનો દારૂ કબ્જે કરી કાર્યવાહી હાથ ધરી છે.