Gujarat Monsoon: આજે વલસાડ અને દેવભૂમિ દ્વારકા જિલ્લામાં વરસાદની પધરામણી થઇ

વલસાડ જિલ્લાના ગ્રામ્ય પંથકમાં વરસાદ ભાણવડમાં વહેલી સવારથી ધોધમાર ચાલુ થયો  દેવભૂમિ દ્વારકા જિલ્લામાં વરસાદ આવ્યો છે ગુજરાતના વિવિધ વિસ્તારમાં વરસાદની આગાહી કરવામાં આવી છે. જેમાં આજે વિવિધ વિસ્તારમાં વરસાદ શરૂ થયો છે. તેમાં વલસાડ જિલ્લાના ગ્રામ્ય પંથકમાં વરસાદ આવ્યો છે. જેમાં પારડી, વાપી સહિત આસપાસના પંથકમાં વરસાદ ખાબક્યો છે. તેમજ ઉમરગામ અને આજુબાજુના વિસ્તારમાં વરસાદ છે. વલસાડ જિલ્લામાં વરસાદી માહોલ જામ્યો વલસાડ જિલ્લામાં વરસાદી માહોલ જામ્યો છે. વહેલી સવારથી જ વલસાડ જિલ્લાના વાતાવરણમાં પલટો આવ્યો છે. તેમાં વલસાડ, પારડી, વાપી, ઉમરગામ જેવા વિસ્તારમાં વરસાદી માહોલ જામ્યો છે. છેલ્લા ત્રણ ચાર દિવસથી છૂટો છવાયો વરસાદ પડી રહ્યો છે. જેમાં આજરોજ વહેલી સવારથી જ પવન સાથે વરસાદી માહોલ જામ્યો છે. તેમજ દેવભૂમિ દ્વારકા જિલ્લામાં વરસાદ આવ્યો છે. તેમાં વહેલી સવારથી ભાણવડમાં ધોધમાર વરસાદ પડ્યો છે. ભાણવડ સહિત આજુબાજુના પંથકમાં વરસાદ આવ્યો છે. દેવભૂમિ દ્વારકા જિલ્લામાં વરસાદની પધરામણી થઇ દેવભૂમિ દ્વારકા જિલ્લામાં વરસાદની પધરામણી થઇ છે. જેમાં ભાણવડમાં વહેલી સવારથી ધોધમાર ચાલુ થયો છે. વાવણી લાયક વરસાદ વરસતા ખેડૂતોમાં ખુશીની લહેર જોવા મળી છે. તેમજ મધ્ય ગુજરાત અને દક્ષિણ ગુજરાતના વિવિધ વિસ્તાર તેમજ સૌરાષ્ટ્રના ગીર સોમનાથમાં હળવો વરસાદ પડવાની શક્યતા છે. આ વિસ્તારોમાં વરસાદની સાથે સાથે પ્રતિકલાકે 30થી 40 કિ.મી.ની ઝડપે પવન ફૂંકાવાના પણ સંકેતો અપાયાં છે. હવામાન ખાતાની આગાહી મુજબ ગાંધીનગર, અરવલ્લી, ખેડા, અમદાવાદ, આણંદ, પંચમહાલ, દાહોદ, વડોદરા, છોટા ઉદેપુર, નર્મદા, ભરૂચ, સુરત, ડાંગ, નવસારી, વલસાડ, તાપી, દમણ દાદરા નગર હવેલી, સુરેન્દ્રનગર, રાજકોટ, જુનાગઢ, અમરેલી, ભાવનગર, ગીર સોમનાથ અને બોટાદમાં આજે ગાજવીજ સાથે હળવો વરસાદ વરસી શકે છે.