Rajkot ક્રાઇમ બ્રાન્ચે ટ્વીન સ્ટારમાં આવેલી મનસુખ સાગઠીયાની ઓફિસ કરી સીલ

રાજકોટમાં મનસુખ સાગઠીયાની ઓફિસ કરાઈ સિલ ગઈકાલે ઓફિસ સાગઠિયાની હોવાનો થયો હતો ખુલાસો સાગઠીયાની ઓફિસનો 67,000 જેટલો વેરો બાકી રાજકોટ TRP ગેમઝોન અગ્નિકાંડની તપાસમાં એક પછી એક મોટા ખુલાસા થઈ રહ્યા છે. ત્યારે હવે ધરપકડ કરાયેલ TPO મનોજ સાગઠિયાની પૂછપરછનો રેલો તેમના ભાઈ સુધી પહોંચ્યો છે. મનોજ સાગઠિયાના ભાઈ કે.ડી સાગઠિયાની પણ ગેમઝોન અગ્નિકાંડ મામલે પૂછપરછ થઈ શકે છે.તો કે.ડી સાગઠિયાની ઓફિસને લગતા દસ્તાવેજો સામે આવ્યા છે.સાગઠીયાની ઓફિસનો 67,000 જેટલો વેરો બાકી છે.તો આજે રાજકોટ ક્રાઈમ બ્રાન્ચ દ્રારા ઓફિસને સિલ કરી દેવાઈ છે. ઓફિસ મનસુખ સાગઠિયાની જેના નામે પાવર એટર્ની છે તે મનસુખ ઉર્ફે મનોજ સાગઠિયાની 901 નંબરની ઓફિસના દરવાજા પર મહાનગરપાલિકાએ નોટીસ લગાવી છે. તેમાં સ્પષ્ટપણે લખવામાં આવ્યું છે કે તા.16-11-2023 સુધીમાં રૂ.67333નો વેરો બાકી છે જો આ વેરો પાંચ દિવસમાં ભરવામાં નહી આવે તો આ ઓફિસની હરાજી કરીને વેચી નાખવામાં આવશે. પરંતુ મહાનગરપાલિકાનું તંત્ર કેવું કામ કરે છે તેનું એક જીવતું જાગતું ઉદાહરણ પણ અહીંયા જોવા મળ્યું છે. મનપાએ નોટિસ ચિપકાવી તેના 15 દિવસ બાદ 30 નવેમ્બરે સિલ લગાવી દીધું. એસીબી કરશે તપાસ સાગઠિયાની એસીબી દ્વારા આ દિશામાં પણ તપાસ શરૂ કરવામાં આવે તો મોટા પ્રમાણમાં બેનામી સંપત્તિ ઝડપાઇ એવી પૂરી શક્યતા સેવાઈ રહી છે. રાજકોટ મહાનગરપાલિકાના તત્કાલીન ટાઉન પ્લાનિંગ ઓફિસર મનસુખ સાગઠિયા ભ્રષ્ટ અધિકારી હોવાની ચર્ચા ચારેય દિશામાં ચાલી રહી છે. તેવામાં રાજકોટના અગ્નિકાંડ બાદ એસીબી તપાસ શરૂ થતાં તેમના ઘર તેમજ ઓફિસ ખાતે સર્ચ- ઓપરેશન તો શરૂ કરાયું હતું. કે.ડી સાગઠિયા ગાંધીનગર ખાતે એડિ. ચીફ ટાઉન પ્લાનર રાજકોટ TRP ગેમઝોન અગ્નિકાંડ મામલે એક પછી એક અધિકારીઓની ધરપકડ કરવામાં આવી છે. ત્યારે ધરપકડ કરાયેલ રાજકોટના પૂર્વ TPO એમ.ડી. સાગઠિયાની પૂછપરછનો રેલો તેમના ભાઈ સુધી પહોંચશે એવા એંધાણ મળ્યા છે. ગેમઝોન અગ્નિકાંડ મામલે હવે મનોજ સાગઠિયાના ભાઈ કે.ડી સાગઠિયાની પણ પૂછપરછ થઈ શકે છે. માહિતી મુજબ, કે.ડી. સાગઠિયા ગાંધીનગર ખાતે એડિ. ચીફ ટાઉન પ્લાનર તરીકે ફરજ બજાવે છે. ત્યારે એડિ. ચીફ ટાઉન પ્લાનર પદ પર રહીને ભાઈને મદદગારી કરી હોવા અંગે તપાસ થઈ શકે છે.