Palanpur: બનાસકાંઠા જિલ્લામાં 39 રમતોમાં કુલ 2,56,787 ખેલાડીઓએ રજિસ્ટ્રેશન કરાવ્યું

ખેલ મહાકુંભ 2.0 વર્ષ 2023-24 અંતર્ગત બનાસકાંઠા જિલ્લામાં 2,304,81 ખેલાડીઓએ રજીસ્ટ્રેશન કરાવ્યું હતું. જેમાં વિવિધ વય જુથમાં અને 39 રમતોમાં ગ્રામ્ય, શાળાકક્ષા, તાલુકા, જિલ્લોઝોન, રાજ્યકક્ષાએ રમતોત્સવનું સમગ્ર રાજ્યમાં વિવિધ જગ્યાએ આયોજન કરાયું હતું.ખેલ મહાકુંભની રાજ્યકક્ષાની સ્પર્ધાઓમાં મેડલ ટેલીમાં જિલ્લાના ખેલાડીઓએ ઉત્કૃષ્ટ પ્રદર્શન કરીને રાજ્યમાં તૃતીય સ્થાન મેળવ્યું હતું જે અન્વયે ચાલુ વર્ષે ખેલ મહાકુંભ 3.0 ના શુભારંભ કાર્યક્રમમાં ગુજરાત રાજ્યના મુખ્યમંત્રીના હસ્તે ગત વર્ષના પ્રથમ, દ્રિતીય અને તૃતીય સ્થાન મેળવેલ જિલ્લાઓને ટ્રોફી આપી સન્માનિત કરાયા હતા જે ટ્રોફિને જિલ્લા કલેકટર મિહિર પટેલને અર્પણ કરાઈ હતી.ચાલુ વર્ષે જિલ્લાના ખેલાડીઓ રાજ્યકક્ષાએ સારુ પ્રદર્શન કરીને મેડલ ટેલીમાં અગ્ર હરોળમાં આવે તે મુજબની અપેક્ષા વિવિધ રમતવીરોમાં રહેલી છે.