IMDની આગાહી સાચી પડી, અમદાવાદમાં થયો ધોધમાર વરસાદ

પૂર્વ અને પશ્વિમ વિસ્તારમાં વરસાદી વાતાવરણનરોડા, નિકોલ, બાપુનગરમાં વરસાદમેમનગર, ગુરુકુળ વિસ્તારમાં પણ વરસાદઆજે હવામાન વિભાગ દ્વારા નાવકાસ્ટ બુલેટિન જાહેર કરીને રાજ્યમાં 3 કલાક ભારે વરસાદની આગાહી કરી હતી. જે હાલ સાચી પડી રહી છે. અમદાવાદના મોટાભાગના વિસ્તારોમાં ભારે વરસાદ શરૂ થઈ ગયો છે. શહેરના મોટાભાગના વિસ્તારોમાં ધોધમાર વરસાદ થઈ રહ્યો છે. આખા દિવસના ઉકળાટ બાદ વરસાદ આવતા વાતાવરણમાં ઠંડક પ્રસરી ગઈ છે. તો જાણવા મળી રહ્યું છે કે અમદાવાદના પૂર્વ અને પશ્ચિમના કેટલાક ભાગમાં ધોધમાર વરસાદ થયો છે. આજે સાંજે 9 વાગ્યાની આસપાસ અમદાવાદ શહેરના વાતાવરણમાં પલટો આવ્યો હતો. અને શહેરના પૂર્વ અને પશ્વિમ વિસ્તારમાં વરસાદી વાતાવરણ જમાયું હતું. ગણતરીના સમયમાં શહેરના અનેક વિસ્તારોમાં ધોધમાર વરસાદ થયો છે. શહેરના નરોડા, નિકોલ, બાપુનગરમાં વરસાદ ધીમીધારે વરસાદ થયો છે. તો મેમનગર, ગુરુકુળ વિસ્તારમાં પણ ધોધમાર વરસાદ થયો છે. હવામાન વિભાગનું નાવકાસ્ટ બુલેટિનરાજ્યમાં ચોમાસાની શરૂઆત થઈ ગઈ છે. ત્યારે આજે હવામાન વિભાગે આગામી 3 કલાકમાં રાજ્યમાં જુદા જુદા જિલ્લાઓમાં વરસાદ થવાની આગાહી વ્યક્ત કરી છે. હવામાન વિભાગે જણાવ્યું છે કે સાયક્લોનિક સર્ક્યુલેશન સક્રિત થતા રાજ્યમાં વરસાદ થઈ શકે છે. વધુમાં હવામાન વિભાગ દ્વારા સમગ્ર રાજ્યમાં ગાજવીજ અને ભારે પવન સાથે વરસાદ થવાની આગાહી કરવામાં આવી છે.આગામી ત્રણ કલાક રાજ્યમાં ભારે વરસાદની આગાહી  મળતી માહિતી મુજબ, વરસાદ અંગે હવામાન વિભાગે નાવકાસ્ટ બુલેટિન જાહેર કર્યું છે. રાજ્યમાં આગામી ત્રણ કલાક વરસાદની હવામાન વિભાગ દ્વારા આગાહી કરવામાં આવી છે. હવામાન વિભાગે જણાવ્યું છે કે અમદાવાદ, રાજકોટ, સુરેન્દ્રનગરમાં સાર્વત્રિક વરસાદ થઈ શકે છે. તો સાથે સાથે અમરેલી, બોટાદમાં મધ્યમ વરસાદની આગાહી કરવામાં આવી છે. વધુમાં, ભાવનગર, બનાસકાંઠામાં પણ મધ્યમ વરસાદની આગાહી કરવામાં આવી છે. તો સાથે સાથે, નવસારી, વલસાડ, તાપીમાં હળવા વરસાદની આગાહી કરવામાં આવી છે. તેમજ, ડાંગ, દમણ, દાદરાનગર હવેલીમાં પણ હવામાન વિભાગ દ્વારા વરસાદની આગાહી કરવામાં આવી છે.