Gujarat Weather : રાજયમાં ધીરે-ધીરે શિયાળાની વિદાય, ઉનાળાની થઈ રહી છે શરૂઆત

રાજ્યમાં ધીરે ધીરે શિયાળો વિદાય લઈ રહ્યો છે અને ઉનાળાની શરૂઆત થઈ રહી છે,ત્યારે હાલ બેવડી ઋતુનો અનુભવ શહેરીજનો કરી રહ્યા છે,વહેલી સવારે ગુલાબી ઠંડી અને બપોરે ગરમીનો અહેસાસ શહેરીજનો કરી રહ્યાં છે,ત્યારે નલિયામાં સૌથી ઓછું 14.4 ડિગ્રી તાપમાન નોંધાયું છે,રાજ્યમાં સૌથી ઊંચું મહત્તમ તાપમાન ભુજમાં 34.2 ડિગ્રી નોંધાયું છે. જાણો કયાં કેટલું તાપમાન નોંધાયું હવામાન વિભાગની આગાહી પ્રમાણે વાત કરવામાં આવે તો અમદાવાદમાં 17.5 ડિગ્રી, ગાંધીનગરમાં 16.0 ડિગ્રી,ડીસા 14.8 ડિગ્રી,વલ્લભ વિદ્યાનગર 17.8 ડિગ્રી,વડોદરા 16.5 ડિગ્રી, સુરત 16.8 ડિગ્રી,ભુજ 18.0 ડિગ્રી ,કંડલા 18.6 ડિગ્રી,ભાવનગર 18.7 ડિગ્રી,દ્વારકા 20.6 ડિગ્રી,ઓખા 21.2 ડિગ્રી,પોરબંદર 18.4 ડિગ્રી,વેરાવળ 18.7 ડિગ્રી,રાજકોટ 17.7 ડિગ્રી,સુરેન્દ્રનગર 18.0 ડિગ્રી,મહુવા 15.3 ડિગ્રી, કેશોદમાં 16.1 ડિગ્રી તાપમાન નોંધાયું છે. બપોરના સમયે ગરમી પણ પડી શકે છે ગુજરાતમાં ફરીથી ઠંડીનો ચમકારો વધશે તેવી આગાહી હવામાન વિભાગ દ્વારા કરવામાં આવી છે. બંગાળની ખાડી તરફથી આવતા ભેજવાળા પવન અને વેસ્ટર્ન ડિસ્ટર્બન્સને કારણે રાજ્યના અનેક વિસ્તારોમાં વાદળછાયું વાતાવરણ છવાયું છે. ત્યારે હવામાન વિભાગે ગુરુવારથી ત્રણ દિવસ ગુજરાતનાં અનેક જિલ્લાઓમાં ગાજવીજ સાથે વરસાદ અને કરા પડવાની પણ આગાહી આપી છે. આ સાથે ગરમી વધવાની પણ આગાહી કરી છે.હાલ ગુજરાતમાં ઉત્તરથી ઉત્તર પૂર્વની દિશાના પવન ફૂંકાઈ રહ્યા છે. ત્યારે ગુજરાતમાં 24 કલાક શુષ્ક હવામાન રહેશે.