Anand News : ક્ષત્રિય આંદોલનને લઈ હર્ષ સંઘવીએ આણંદમાં યોજી બેઠક

આણંદમાં ક્ષત્રિય આગેવાનો સાથે હર્ષ સંઘવીની બેઠક પૂર્ણ ક્ષત્રિય આગેવાનો સાથે આણંદ કમલમમાં યોજાઈ બેઠક હર્ષ સંઘવીએ ક્ષત્રિય આગેવાનોને ભાજપ તરફ મતદાન કરવા કરી અપીલ ક્ષત્રિય આંદોલનને લઈને મોટા સમાચાર સામે આવ્યા છે. જેમાં હર્ષ સંઘવીએ ભાવનગર,હિંમતનગર,સુરેન્દ્રનગર અને બાદમાં આણંદના કમલમ ખાતે ભાજપ સમર્પિત ક્ષત્રિય આગેવાનો સાથે બેઠક યોજી છે.આ બેઠકમાં ધારાસભ્યો, સાંસદ, સંગઠનના પદાધિકારીઓ હાજર રહ્યાં હતા.છેલ્લા બે દિવસથી સંઘવી અલગ-અલગ જિલ્લામાં ક્ષત્રિય આગેવાનો સાથે બેઠક કરી રહ્યાં છે.હર્ષ સંઘવી લાંબા સમય સુધી આ બેઠકમાં હાજર રહ્યા હતા.બેઠકમાં ક્ષત્રિય ધારાસભ્ય ગોવિંદ પરમારની સૂચક ગેરહાજરી હતી. ક્ષત્રિય સમાજના આંદોલનને શાંત કરવાના પ્રયાસો થઇ રહ્યાં છે ક્ષત્રિય સમાજના આંદોલનને શાંત કરવાના પ્રયાસો થઇ રહ્યાં છે. જેમાં લોકસભાની ચૂંટણીની તારીખ નજીક આવી રહી છે તેમ ભાજપમાં ચિંતા વધી રહી છે. જેમાં આજે હર્ષ સંઘવી, સંગઠન મહામંત્રી રત્નાકરે ખાનગી હોટલમાં બે કલાક સુધી બેઠક કરી હતી. જેમાં ભાજપ સાથે જોડાયેલા ક્ષત્રિય આગેવાનો બેઠકમાં જોડાયા હતા. તેમજ બેઠકમાં પરશોત્તમ રૂપાલાનો મુદ્દો શાંત કરવાના પ્રયાસ માટે રણનિતી નક્કી કરાઇ છે. ક્ષત્રિય સમાજના મતનું નુકસાન ન થાય તેવા પ્રયાસો કરાશે. ભાવનગરમાં સૌથી લાંબી બેઠક યોજાઈ હતી હર્ષ સંઘવીએ રાજકોટ, જામનગરમાં બેઠક કરી હતી. ભાવનગર શહેરમાં હોટલમાં આવેલ રાજ્યના ગૃહ મંત્રી હર્ષ સંઘવી અને રત્નાકરજી હોટલથી એરપોર્ટ રવાના થયા હતા. બે કલાક સુધી ક્ષત્રિય સમાજના ભાજપના આગેવાનો અને ભાજપના પદાધિકારીઓ સાથે બેઠક યોજાઇ હતી. તેમજ સમગ્ર બેઠકમાં મીડિયાને દૂર રખાયા હતા. ખાનગી હોટલથી એક બાદ એક ધારાસભ્યો, સાંસદ, સંગઠનના પદાધિકારીઓ રવાના થયા હતા. ભાજપના કાર્યક્રમમાં ક્ષત્રિય યુવાનોએ કર્યો વિરોધ ભાવનગરના ગારિયાધારમાં ભારતીય જનતા પાર્ટીના ચૂંટણી પ્રચાર કાર્યક્રમમાં ક્ષત્રિય સમાજના યુવકોએ વિરોધ કર્યો હતો. ગારિયાધારમાં ભાજપના ચૂંટણી કાર્યાલયના ઉદ્ઘાટનનો કાર્યક્રમ હતો, જેમાં ક્ષત્રિય સમાજના યુવકોએ કાળા વાળટા ફરકાવી અને ‘રૂપાલા હાય હાય’ના નારા લગાવ્યા હતા. પોલીસે કેટલાક યુવકોની અટકાયત કરી હતી.