Ahmedabad News : જૈન ધર્મ મુજબ અમદાવાદમાં એક સાથે 35 મુમુક્ષુની દીક્ષા

100 વર્ષ બાદ જૈન સમાજનો સૌથી મોટો દીક્ષા સમારોહ અમદાવાદના રાજમાર્ગોમાં 35 મુમુક્ષુએ કર્યું વરસીદાન આવતીકાલે એક સાથે 35 મુમુક્ષો દીક્ષા ગ્રહણ કરશે અમદાવાદના રીવરફ્રન્ટ ખાતે જૈન સમાજ દ્વારા 100 વર્ષ બાદ સૌથી મોટો દીક્ષા સમારોહનું આયોજન કરવામાં આવ્યું છે.અમદાવાદના રાજમાર્ગોમાં 35 મુમુક્ષો દ્વારા વરસીદાન પણ કરાયું છે ત્યારે આવતીકાલે એક સાથે 35 મુમુક્ષો દીક્ષા ગ્રહણ કરી જીવનની સુખ સુવિધા વૈભવનો ત્યાગ કરી સંયમનો માર્ગ અપનાવશે.આ સમારોહમાં ગુજરાત, મહારાષ્ટ્રમાંથી જૈન સમાજ સાથે જોડાયેલા 35 લોકો તમામ મોહમાયા છોડી સાધુ બનવા જઈ રહ્યા છે. 13 વર્ષનો હેત શાહ લેશે દીક્ષા આ 35 લોકોમાં ક્રિકેટ પ્રેમી અને એમએસ ધોનીનો ચાહક, 13 વર્ષનો હેત શાહ પણ છે, જે શાળા, મિત્રો, ક્રિકેટ અને તેના માતા-પિતાની નાની દુનિયા છોડીને સાધુ બનવા તૈયાર છે. જે ગુરુવારે સાબરમતી નદીના કિનારે બનાવવામાં આવેલી અધ્યાત્મા નગરી (આધ્યાત્મિક શહેર) ખાતે દીક્ષા સમારોહમાં આચાર્ય શ્રી વિજય યોગતિલકસૂરિજી પાસેથી દીક્ષા લેશે. આચાર્ય શ્રી વિજય યોગતિલકસૂરિજીએ પણ સાધુ બનવા માટે ચાર્ટર્ડ એકાઉન્ટન્ટ તરીકેની કારકિર્દી છોડી દીધી હતી. હિંમતનગરના પતી પત્ની પણ લેશે દીક્ષા આ દરમિયાન હિંમતનગરના એક કરોડપતિ, ભાવેશ ભંડારી (ઉં.46), જેઓ સીમંધર ફાઇનાન્સના માલિક છે, અને તેમની પત્ની જીનલ (ઉં.43) પણ તેમના કિશોરવયના બાળકોથી પ્રેરિત થઈને મોહ માયાનો ત્યાગ કરી રહ્યા છે. દંપતીના બાળકોમાં એક 19 વર્ષનો પુત્ર અને 16 વર્ષની પુત્રી વર્ષ 2021 માં સુરતમાં 72 અન્ય લોકો સાથે સાધુ બન્યા હતા.ભાવેશે કહ્યું કે, નિર્ણય લેતા પહેલા તેણે તેના 19 વર્ષના પુત્ર સાથે સલાહ વિમર્શ કરી હતી. તેઓ એન્જિન બન્યા અને અમે તેમના કોચ બન્યા. મને ખાતરી નહોતી કે મારે ક્યારે દીક્ષા લેવી જોઈએ પરંતુ, મારા પુત્રએ મને પ્રેરણા આપી.ભાવેશ છેલ્લા એક વર્ષથી તેની તમામ નાણાકીય સંપત્તિમાંથી મુક્તિ મેળવીને આ દિવસની તૈયારી કરી રહ્યા હતા. 22 એપ્રિલ પછી, હું કોઈપણ દસ્તાવેજો પર સહી કરી શકીશ નહીં, તેથી મેં બધું મારા 73 વર્ષના પિતા અને 49 વર્ષના મોટા ભાઈને બઘધુ ટ્રાન્સફર કરી દીધું છે.જાણો દીક્ષાનો સમગ્ર પ્રસંગઅમદાવાદમાં 18 થી 22 એપ્રિલ દરમિયાન યોજાનાર આ કાર્યક્રમમાં 11 થી 56 વર્ષની વયના 15 પુરૂષો અને 20 મહિલાઓ છે, જેમાં 18 વર્ષથી ઓછી વયના પાંચ યુગલો, ત્રણનો આખો પરિવાર અને ઘણા ભાઈ-બહેનો સંસારથી દૂર જઈ રહ્યા છે.પાંચ દિવસીય કાર્યક્રમ માટે સાબરમતી નદી કિનારે એક વિશેષ આધ્યાત્મિક શહેર બનાવવામાં આવ્યું છે, જેમાં એક જૈન મંદિર અને એક એસેમ્બલી હોલનો પણ સમાવેશ થાય છે, જેમાં લગભગ 25,000 ભક્તોને સમાવી શકાય છે. એક ડાઇનિંગ હોલ પણ ડિઝાઇન કરવામાં આવ્યો છે, જેમાં સળંગ 3,200 લોકો બેસી શકે છે.આ ઉપરાંત, પ્રથમ વખત, નરક (નર્ક) પણ બનાવવામાં આવ્યું છે, જેમાં નરકમાં માણસોને કેવી રીતે ત્રાસ આપવામાં આવે છે, તેના આબેહૂબ દ્રશ્યો છે. આ ઉપરાંત અધ્યાત્મ નગરીમાં એક ભવ્ય નાટ્યગૃહ છે, જેમાં જૈન વ્યક્તિત્વોની વાર્તાઓને નાટક સ્વરૂપે રજૂ કરવામાં આવશે.આચાર્ય શ્રી વિજય યોગતિલકસૂરિજી દ્વારા 35 લોકોને દીક્ષા આપવામાં આવશે