Ahmedabad Monsoon: શહેરમાં વહેલી સવારથી ઝરમર વરસાદ આવ્યો

બોડકદેવ, વસ્ત્રાપુર, એસ.જી.હાઇવે પર વરસાદ થલતેજ, શિલજ, બોપલ વિસ્તારમાં વરસાદ આવ્યો રાજ્યના અનેક વિસ્તારોમાં ચોમાસાનો વરસાદ શરૂ અમદાવાદ શહેરમાં વહેલી સવારે વરસાદ શરૂ થયો છે. જેમાં અમદાવાદમાં અલગ અલગ વિસ્તારમાં ઝરમર વરસાદ આવ્યો છે. તેમાં બોડકદેવ, વસ્ત્રાપુર, એસ.જી.હાઇવે પર વરસાદ આવ્યો છે. તેમજ થલતેજ, શિલજ, બોપલ વિસ્તારમાં વરસાદ ખાબક્યો છે. તેમજ સેટેલાઇટ, મેમનગર, શાસ્ત્રીનગરમાં વરસાદ શરૂ થયો છે. ગુજરાતના અનેક વિસ્તારોમાં ચોમાસાનો વરસાદ ચાલુ થઇ ગયો ગુજરાતના અનેક વિસ્તારોમાં ચોમાસાનો વરસાદ ચાલુ થઇ ગયો છે. પરંતુ અમદાવાદ સહિત અનેક વિસ્તારો એવા છે કે જ્યાં લોકો ધોધમાર વરસાદની રાહ જોઇ રહ્યા છે. આ વચ્ચે ઝરમર વરસાદ આવ્યો છે. કચ્છ, મોરબી, જામનગર, રાજકોટ, અમરેલી, ભાવનગર, આણંદ, સુરત, નવસારી, ડાંગ, વલસાડ, દમણ અને દાદરા નગર હવેલીમાં ભારે વરસાદની આગાહી છે. રાજ્યમાં છેલ્લા 24 કલાકમાં 107 તાલુકામાં વરસાદ વરસ્યો છે. પોશીનામાં 46 મીમી , દાંતીવાડામાં 41 મીમી, ભૂજમાં 40 મીમી, નખત્રાણામાં 39 મીમી, ગઢડામામાં 35 મીમી અને ભાવનગરમાં 33 મીમી વરસાદ વરસ્યો છે. અમદાવાથી લઈ પૂર્વ ગુજરાતના વિસ્તારોમાં વાદળો છવાયેલા હાલમાં સમુદ્રનું ચોમાસું પશ્ચિમ ભારતમાં ખૂબ જ મજબૂત છે. મહારાષ્ટ્ર, ગોવા, કોંકણ, કર્ણાટકમાં મજબૂત સ્થિતિમાં છે. કર્ણાટકના કેટલાક વિસ્તારોમાં ભારેથી અતિભારે વરસાદની આગાહી કરવામાં આવી છે. આજે વહેલી સવારે અમદાવાથી લઈ પૂર્વ ગુજરાતના વિસ્તારોમાં વાદળો છવાયેલા છે. સૌથી વધારે વાદળો અમદાવાદ, પંચમહાલ, દાહોદ, છોટાઉદેપુર, વડોદરા, ખેડા, આણંદ, સુરત, ભરૂચ, તાપી, ડાંગ, વલસાડ, અને નવસારી જેવા વિસ્તારોમાં દેખાઈ રહ્યા છે.