બાબરામાં દશેરાએ હનુમાનજીની ગદાના પ્રહારનો માર પડાપડી !

મુખ્ય બજારમાં લંકેશ અને રામ વચ્ચે  ઘમાસાણ યુદ્ધ ખેલાશ રામાયણ આધારિત જુદા જુદા જીવંત પાત્રો ભજવવાની 136 વર્ષથી પરંપરા જળવાઈ રહી છે, ગદાનો મીઠો માર ખાવો એ પણ લ્હાવો ગણાય છે ! બાબરા, : બાબરામાં હજારોની મેદની વચ્ચે છેલ્લા 136 વર્ષથી દશેરાના દિવસે ભરી બજારમાં દશાસન લંકેશ અને ભગવાન રામચંદ્રજી વચ્ચે ઘમાસણ યુદ્ધ સાથે રાવણનો શિરચ્છેદ કરવાની પરંપરા ચાલી આવે છે. આ દિવસે રામાયણ આધારિત પાત્રો જીવંત સ્વરૂપે લોકોની વચ્ચે પેશ થાય છે. એ વખતે હનુમાનજીની ગદા પ્રહારનો મીઠો માર ખાવા લોકોમાં પડાપડી થઈ પડે છે. લોકો હસતા હસતા હનુમાનજી પાત્ર સમક્ષ આવીને ગદાનો માર મારવા વિનંતિ કરતા નજરે પડે છે.