વીડિયો વાયરલ કરવાની ધમકી આપી પરિણીતા સાથે અવાર - નવાર રેપ

 વડોદરા,પરિણીતા સાથે ફેસબૂક પર મિત્રતા કર્યા પછી આરોપીએ જબરજસ્તીથી શારીરિક સંબંધ બાંધી તેના વીડિયોના આધારે બ્લેકમેલ કરી ૧૫ લાખ રોકડા અને ૨૫ તોલા સોનુ  પડાવી લીધા  હતા. અટલાદરા પોલીસે આરોપીની ધરપકડ કરી વધુ તપાસ  હાથ ધરી છે.૩૫ વર્ષની પરિણીતાએ અટલાદરા પોલીસ સ્ટેશનમાં ફરિયાદ નોંધાવી જણાવ્યું છે કે, ૧૮વર્ષ અગાઉ હું અભ્યાસ કરતી હતી. ત્યારે  વિરલ અરવિંદભાઇ પટેલ સાથે પરિચય થયો હતો. ત્યારબાદ અમારી વચ્ચે કોઇ કોન્ટેક્ટ નહતો. વર્ષ - ૨૦૧૬ માં ફેસબૂક પર  વિરલે મને ફ્રેન્ડ રિક્વેસ્ટ મોકલી હતી.