મોડીરાતે પ્રિયા ટોકિઝ રોડ પર આગળ જતી કારમાં બાઇક અથડાતા એકનું મોત

Oct 21, 2025 - 08:00

Join our WhatsApp Community to receive travel deals, free stays, and special offers!
- Join Now -

વડોદરા,પદમલા બ્રિજ નજીક અજાણ્યા વાહનની ટક્કરે મોપેટ સવાર સિનિયર સિટિઝનનું મોત થયું હતું. જ્યારે પ્રિયા ટોકિઝ રોડ પર આગળ જતી કારમાં બાઇક સવાર અથડાતા બાઇક ચાલકને ઇજા થઇ હતી. જ્યારે પાછળની સીટ પર બેઠેલા યુવકનું મોત થયું હતું.

આણંદ જિલ્લાના અડાસ ગામે રામજી મંદિર પાસે રહેતા ૬૨ વર્ષના પ્રવિણભાઇ નટવરભાઇ સાધુ નિવૃત્ત જીવન ગુજારે છે અને હાલમાં આશીયાના સોસાયટી, નિઝામપુરા બસ ડેપોની પાછળ રહે છે. ગઇકાલે બપોરે તેઓ નિઝામપુરાથી ઇલેક્ટ્રિક મોપેડ લઇને આણંદના અડાસ ગામે જવા માટે નીકળ્યા હતા. વડોદરાથી આણંદ જતા નેશનલ હાઇવે - ૪૮ પર રણોલી બ્રિજ અને પદમલા બ્રિજ વચ્ચે એક અજાણ્યા વાહન ચાલકે તેઓના મોપેડને ટક્કર મારતા તેઓને માથા, બંને હાથ, પગ પર ઇજા થઇ હતી.