પાલિકા કમિશ્નરની સતર્કતાના પરિણામે પાલિકાના પૂર્વ પદાધિકારીનું સેટીંગ ખોરવાયું

Jul 23, 2025 - 17:00

Join our WhatsApp Community to receive travel deals, free stays, and special offers!
- Join Now -

સુરત પાલિકાના પૂર્વ પદાધિકારી અને હાલના કોર્પોરેટરે પુણા વિસ્તારમાં બિલ્ડરને ફાયદો થાય તે માટે વિવાદિત રિઝર્વેશન વાળી જગ્યા પર જ 50 બેડની હોસ્પિટલ બનાવવા ભારે ધમપછાડા કર્યા હતા. જોકે, મ્યુનિ. કમિશ્નરને ગંધ આવી જતા તેઓએ રજૂઆત કરવા આવનારાને આ પ્લોટ પર હોસ્પિટલ નહી બને તેવી વાત કરી દીધી હતી. આગામી સ્થાયી સમિતિ સમક્ષ પુણાની હોસ્પિટલ માટે દરખાસ્ત રજુ કરવામાં આવી છે. જેમાં ભવિષ્ય ના આયોજન માટે 30 મીટરના રોડ બદલે 60 મીટરના રોડ પર બીઆરટીએસ રુટ નજીક હોસ્પિટલ બાવવાનો ઉલ્લેખ કર્યો છે. આ દરખાસ્ત સાથે જ ભાજપના વેપારી બની ગયેલા કોર્પોરેટર અને વોર્ડના હોદ્દેદારોનું સેટીંગ ખોરવાઈ ગયું છે.