ડીપીએ ના ગેટ નં. 15 પાસે જર્જરિત ઇમારતમાં 8 લોકો ફસાયા, તંત્રએ કર્યું રેસ્કયુ

દીનદયાળ પોર્ટ ખાતે ભૂકંપની થીમ પર મોકડ્રીલ યોજાઇ, ભૂકંપ સમયે શું કરવું તે દર્શાવાયુંગાંધીધામ: દીનદયાળ પોર્ટ ઓથોરિટી, કંડલા ખાતે સીઆઈએસએફ, ડીપીએ અને કટ્ટી બીએન એનડીઆરએફ દ્વારા મેગા મોક ડ્રીલ હાથ ધરવામાં આવી હતી. કાર્ગો બર્થ નંબર ૧૫ ગેટ પાસે ત્યજી દેવાયેલી ઈમારતમાં ભૂકંપ થીમ પર મેગા મોક ડ્રિલનું આયોજન કરવામાં આવ્યું હતું. આ મોકડ્રીલમાં ડીપીએ મેડિકલ ટીમ, ઇફકો, આઈસીજીએસ, આઈઓસીએલ, એસઓજી, આઈબી અને કંડલા મરીન પોલીસ સહભાગી રહ્યા હતા. શરૂઆતમાં, સીઆઈએસએફ કાર્ગો બર્થ નંબર ૧૫ ગેટ ઇન ઈન્ચાર્જે સીઆઈએસએફ કંટ્રોલ રૂમને માહિતી આપી હતી કે ભૂકંપના કારણે બર્થ નંબર ૧૫ ગેટ પાસેની ઈમારત પડી ગઈ હતી અને ૮ પીડિતો ફસાઈ ગયા હતા. તદનુસાર, કંટ્રોલ રૂમ ઇન્ચાર્જે તાત્કાલિક તમામ સંબંધિત એજન્સીઓને સક્રિય કરી અને યુનિટ કમાન્ડર, અધ્યક્ષ, નાયબ અધિકારીને તેની જાણ કરી. ચેરમેન, ડે. સંરક્ષક, મુખ્ય ઇજનેર, મુખ્ય મિકેનિકલ ઇજનેર, ટ્રાફિક મેનેજર, મુખ્ય તબીબી અધિકારી, સિગ્નલ સ્ટેશનના ઇન્ચાર્જ, ડીપીએ ફાયર અને જિલ્લા વહીવટીતંત્રએ હરકતમાં આવીને વડોદરા જાણ કરવી, દુર્ઘટના સ્થળને કોર્ડન કરવું, ઈમરજન્સી સાયરન વગાડવા, પોર્ટની કામગીરી ઠપ્પ કરવા અને માણસો અને વાહનોને બહાર નીકળવાની મંજૂરી આપવાની કામગીરી કરાઈ હતી, એનડીઆરએફના જવાનોની મદદથી થોડા પીડિતોને વોક અને સ્ટ્રેચર પર બહાર કાઢવામાં આવ્યા હતા અને તેમને પ્રાથમિક સારવાર આપવામાં આવી હતી. એક પીડિત તૂટી પડેલા માળખામાં ફસાઈ ગયો હતો. જેને કાળજીપૂર્વક મલબો કાપી બચાવી લેવાયો હતો. આ રીતે, તમામ ૩ પીડિતોને સુરક્ષિત રીતે બહાર કાઢવામાં આવ્યા હતા. આપત્તિમાંથી બચી ગયેલા ૮ પૈકી નાના અસરગ્રસ્તોને તબીબી પ્રાથમિક સારવાર આપવામાં આવી હતી.