કોલ્ડપ્લે રોક બેન્ડને સ્ટેજ પર બાળકોને લાવવા પ્રતિબંધ મૂક્યો

અમદાવાદમાં નરેન્દ્ર મોદી સ્ટેડિયમમાં કોન્સર્ટ પહેલાં નોટિસબાળકોને ઈયરપ્લગ વિના કોન્સર્ટમાં પ્રવેશ નહીં, અવાજનું સ્તર ૧૨૦ ડેસિબલ રાખવા પણ નિર્દેશઅમદાવાદ: બ્રિટનના વિશ્વ વિખ્યાત રોક બેન્ડની અમદાવાદમાં આ મહિનાના અંતમાં કોન્સર્ટ યોજાવાની છે ત્યારે રોક બેન્ડને અમદાવાદના જિલ્લા બાળ સંરક્ષણ એકમે નોટિસ ફટકારી છે. બાળ સંરક્ષણ એકમે રોક બેન્ડ પર કોઈપણ સ્વરૂપમાં મંચ પર બાળકોના લાવવા પર પ્રતિબંધ મૂકવાની સાથે બેન્ડને ચેતવણી આપી છે.અમદાવાદના જિલ્લા બાળ સંરક્ષણ એકમે બ્રિટિશ રોક બેન્ડના ગાયક ક્રિસ માર્ટિન અને શોના આયોજકોને નોટિસ પાઠવતા નિર્દેશ આપ્યા છે કે તેઓ કોઈપણ સ્વરૂપે સ્ટેજ પર બાળકોને લાવી શકશે નહીં.