એસ્ટેટ વિભાગની કાર્યવાહી અમદાવાદમાં નવ ફુડ કોર્ટ,રેસ્ટોરન્ટ હોટલને તંત્ર દ્વારા સીલ કરાયા

        અમદાવાદ,ગુરુવાર,27 જુન,2024ફાયર એન.ઓ.સી.તથા બિલ્ડિંગ યુઝ પરમીશન મામલે મ્યુનિસિપલ કોર્પોરેશનના એસ્ટેટ વિભાગે અમદાવાદમાં નવ ફુડ કોર્ટ,રેસ્ટોરન્ટ તથા હોટલને સીલ કરી હતી.સઘન કાર્યવાહીના ભાગરુપે એક ટયુશન કલાસીસ તથા એક પાર્ટી પ્લોટને સીલ કરાયા હતા. ગુજરાત હાઈકોર્ટના આદેશના પગલે એસ્ટેટ વિભાગે બિલ્ડિંગયુઝ પરમીશન તથા ફાયર એન.ઓ.સી.ના મામલે અત્યારસુધીમાં ૧૩ ગેમીંગ ઝોન, ૪૮ હોસ્પિટલ, ૧૨૬ પ્રિ-સ્કૂલ,સ્કૂલ ઉપરાંત ૨૨ ટયુશન કલાસીસ, ૨૫ સિનેમા, ૧૦૨ ફુડકોર્ટ, રેસ્ટોરન્ટ,હોટલ ઉપરાંત ૧૭૩ ઈન્ડસ્ટ્રીયલ યુનિટ સામે કાર્યવાહી કરીને સીલ કરવામા આવ્યા છે.આ ઝુંબેશ જારી રહેશે.