Video:અમદાવાદના પોશ વિસ્તારમાં લુખ્ખાઓએ મચાવ્યો આતંક, તલવારો લઈ યુવકો પર કર્યો હુમલો

Mob Attacks Near Palladium Mall : ગુજરાતમાં કાયદો અને વ્યવસ્થા સામે સવાલ ઉઠાવતી અનેક ઘટનાઓ સામે આવતી હોય છે, ત્યારે અમદાવાદના પોશ વિસ્તારમાં એસજી હાઈવે પર આવેલા પેલેડિયમ મોલ ખાતે ગઈ કાલે શુક્રવારે કેટલાક લુખ્ખાઓએ જાહેરમાં તલવારો વડે આતંક માચાવ્યો હતો. વાહનોમાં તોડફોડ કરીને હુમલો કર્યો હતો. સમગ્ર ઘટનાનો વીડિયો સોશિયલ મીડિયામાં વાઈરલ થતા વસ્ત્રાપુર પોલીસે ગુનો નોંધી આગળની કાર્યવાહી હાથ ધરી.પેલેડિયમ મોલ પાસે અસામાજિક તત્ત્વોનો તલવાર વડે આતંકઅમદાવાદના એસજી હાઈવે પર આવેલા પેલેડિયમ મોલ પાસે 10થી વધુ અસામાજિક તત્ત્વોએ તલવાર અને લાકડીઓ સહિતના હથિયાર વડે જાહેરમાં આતંક મચાવ્યો હતો.