Surendranagar: અમદાવાદ-માળિયા, અમદાવાદ-રાજકોટ હાઈવેનો ઈન્ટર કોરિડોર માર્ગના રૂપે વિકાસ થશે

કેન્દ્ર સરકારનું બજેટ આગામી દિવસોમાં રજુ થનાર છે. ત્યારે બજેટ પહેલા કેન્દ્રીય મંત્રીએ ટીવટ કરીને ઝાલાવાડના લીંબડીથી ધ્રાંગધ્રા સુધીના 2 લેન હાઈવેના અપગ્રેડેશન માટે રૂપિયા 1001 કરોડની જાહેરાત કરી છે. આ જાહેરાતથી ઝાલાવાડની જનતામાં આનંદની લાગણી ફેલાઈ છે.કેન્દ્રની નરેન્દ્ર મોદી સરકારનું આગામી દિવસમાં બજેટ રજુ થવાનું છે. ત્યારે બજેટ પહેલા જ ગુજરાત અને સુરેન્દ્રનગર જિલ્લાને મોટી ભેટ મળી છે. કેન્દ્રીય મંત્રી નીતીન ગડકરીએ ટીવટ કરીને સુરેન્દ્રનગરના લીંબડીથી ધ્રાંગધ્રાના કુડા સુધીના નેશનલ હાઈવે-51ને શોલ્ડર કોન્ફરીગેશન સાથે 2 લેન અપગ્રેડેશન માટે રૂપીયા 1001.42 કરોડ રૂપીયાની ફાળવણી કરી છે. આ જાહેરાતથી ઝાલાવાડની જનતામાં આનંદ ફેલાયો છે. નેશનલ હાઈવે 51 હાલ દ્વારકાથી શરૂ થઈ કુડા સુધીનો છે. ત્યારે આ નીર્ણયથી અમદાવાદ-કચ્છ નેશનલ હાઈવે 7 અને અમદાવાદ-રાજકોટ નેશનલ હાઈવે નંબર 47 વચ્ચે આ રસ્તો ઈન્ટર કોરીડોર સમાન સાબીત થશે. આ રોડમાં સુરેન્દ્રનગર, રાજસીતાપુર અને ધ્રાંગધ્રા બાયપાસ પણ બનનાર છે. ત્યારે કેન્દ્ર સરકાર દ્વારા જિલ્લામાંથી પસાર થતા નેશનલ હાઈવેના અપગ્રેડેશન માટે રૂપીયા 1001ની ફાળવણી કરાઈ છે.