Rajkot: રાજ્યના રેશનકાર્ડ ધારકો માટે માઠા સમાચાર, 1 નવેમ્બરથી દુકાનદારો હડતાળ પર ઉતરશે

રાજ્યના રેશનકાર્ડના લાખો જરૂરિયાતમંદ ગ્રાહકો માટે માઠા સમાચાર સામે આવ્યા છે. તેમની પડતર માંગણીઓને લઈને ગુજરાતના સસ્તા અનાજના દુકાનદારોએ આગામી 1 નવેમ્બરથી હડતાળ પર ઉતરવાનો નિર્ણય કર્યો છે. આ હડતાળના કારણે રાજ્યભરના લાખો અનાજ ધારકો અનાજ અને કઠોળથી વંચિત રહેશે અને તેમની હાલત કફોડી બનશે.

હડતાળની અસર અને માંગણીઓ

આ હડતાળમાં રાજકોટના 700 દુકાનદારો સહિત રાજ્યભરના 17,000 જેટલા રેશનિંગ દુકાનદારો જોડાશે. રેશનિંગ મંડળ દ્વારા તેમની માંગણીઓ અંગે અનેક વખત રજૂઆત કરવામાં આવી હોવા છતાં નિરાકરણ ન આવતાં આ પગલું ભરવામાં આવ્યું છે.

દુકાનદારોની મુખ્ય માંગણીઓ નીચે મુજબ 

બાયોમેટ્રિક વેરિફિકેશન પરિપત્ર રદ કરવો: દુકાનદારો બાયોમેટ્રિક વેરિફિકેશન સંબંધિત પરિપત્રને રદ કરવા માટેની મુખ્ય માંગ કરી રહ્યા છે.સમયસર કમિશનની ચુકવણી: તેમને મળતા કમિશનની સમયસર ચુકવણી થાય તે પણ તેમની મુખ્ય માંગણી છે. રાજકોટ જિલ્લા ફેર પ્રાઇસ શોપ એસોસિએશનના આગેવાનો દ્વારા જિલ્લા પુરવઠા અધિકારી (DSO) ને આ અંગે આવેદનપત્ર આપીને હડતાળની ચીમકી આપવામાં આવી છે. 1 નવેમ્બરથી શરૂ થનારી આ હડતાળ લાંબા સમય સુધી ચાલે તો લાખો ગરીબ અને જરૂરિયાતમંદ પરિવારો માટે અનાજની મોટી સમસ્યા ઊભી થઈ શકે છે.