Patdi: સ્ક્રેપ કંપનીના માલિકની હાજરીમાં ઓછું અને ત્યારબાદ વજન ડબલ થઇ ગયું...!!

પાટડીના માલવણ પાસેની પવનચકકીના પાર્ટસ બનાવતી કંપનીમાં સ્ક્રેપ ખરીદવા આવેલા શખ્સોએ વજનકાંટા સાથે છેડછાડ કર્યાની બજાણા પોલીસ સ્ટેશનમાં ફરિયાદ દાખલ કરી છે.

માલવણ ખાતે ડીઆઇએફડી પવનચકકી બનાવતી કંપનીમાંથી સ્ક્રેપ ખરીદવા માટે અમદાવાદના પંચમુખી સ્ક્રેપ ટ્રેડર્સ અને કાર્તીક ઇન્ડસ્ટ્રીઝ જે કંપની સુરેશ વિજયભાઇ પટણી અને શૈલેષભાઇ પટણી દ્વારા ચલાવાતા હોવાનું જાણવા મળ્યુ છે. જેઓ દ્વારા કંપનીમાંથી સ્ક્રેપ ખરીદાતો હતો. છેલ્લે ત્રણ ગાડી બાકી હતી જેમાંની ભરેલી ગાડી રાત્રે બહાર લઇ જવા ખુબ આગ્રહ કર્યો. પરંતુ ત્યારે રાત્રે મોડુ થઇ જતા સ્ટાફ હાજર નહી હોવાથી સીકયુરીટીએ રાત્રે ભંગાર ભરેલી ગાડી જવા દીધી નહી. રાત્રે લઇ જવાનો આગ્રહ રાખતા હોવાથી કંપનીના મેનેજરને શંકા જતા તેઓએ સવારે આવી ખાલી ગાડીનું વજન કરાવ્યુ તો 38 ટન થયુ જે પહેલાં સ્ક્રેપ ખરીદનારની હાજરીમાં વજન કરાવ્યુ હતુ ત્યારે માત્ર 16 ટન થયુ હતુ. આમ વજનમાં મોટો તફાવત જોતા આ લોકોએ કોઇ ડીવાઇસ દ્વારા વજનકાંટાને હેક કર્યા હોવાની આશંકા ગઇ હતી. બીજી તરફ અગાઉ નવેક જેટલી ટ્રકો ભરીને લઇ ગયેલ ભંગારમાં પણ વજનકાંટા સાથે છેડછાડ કરી છેતરપિંડી કર્યાની આશંકા છે. જેથી આ મામલે કંપનીના માલીક રાજેશ હરભજસીંગે બજાણા પોલીસ સ્ટેશનમાં પંચમુખી સ્ક્રેપ ટ્રેડર્સ અને કાર્તીક ઇન્ડ.ના માલીકો સામે ફરિયાદ આપતા બજાણા પીઆઇએ તપાસ આદરી છે.