Gujarat Weather : ગુજરાતમાં આજે છૂટાછવાયા વરસાદની આગાહી, મહત્તમ અને લઘુત્તમ તાપમાન વચ્ચે વધઘટ રહેશે

ગુજરાતના કેટલાક જિલ્લામાં પડી શકે છે સામાન્ય વરસાદ અને વરસાદને લઇ હવામાન વિભાગની આગાહી સામે આવી છે જેમાં દક્ષિણ ગુજરાત અને સૌરાષ્ટ્રમાં હળવા વરસાદની શક્યતા રહેલી છે સાથે સાથે મહત્તમ અને લઘુત્તમ તાપમાન વચ્ચે વધઘટ રહેશે અને પવનોની દિશા બદલાતા તાપમાનમાં થશે ઘટાડો અને અમદાવાદ અને ગાંધીનગરમાં ધુમ્મસ રહેવાની શક્યતા છે.

રાજ્યમાં આજે હળવો વરસાદ થઈ શકે છે

હવામાન વિભાગની આગાહી પ્રમાણે રાજ્યમાં આજે હળવો વરસાદ થઈ શકે છે. સૌરાષ્ટ્ર, દક્ષિણ ગુજરાત અને અમદાવાદમાં હળવો વરસાદ થવાની સંભાવનાઓ છે. અમદાવાદનું મહત્તમ તાપમાન 32 અને લઘુતમ તાપમાન 22 ડિગ્રી રહી શકે છે. રાજ્યમાં ગઈકાલે 19 મી.મી વરસાદ નોંધાયો હતો. આગામી દિવસોમાં તાપમાનમાં બેથી ચાર ડિગ્રીનો વધારો થશે. ગુજરાત પરથી ખરાબ હવામાનની અસર ટળી ગઈ છે.જેના કારણે માછીમારોને દરિયો ખેડવાની મંજૂરી આપવામાં આવી છે. રાજ્ય સરકાર માછીમારોને દરિયો ખેડવા માટે ટોકન ઈશ્યુ કરશે. સરકાર સાવચેતીના પગલાં લીધા બાદ માછીમારોને દરિયો ખેડવા ટોકન ઈશ્યુ કરશે.

આ વખતે ઓક્ટોબર મહિનામાં વરસાદે ચાર વર્ષનો રેકોર્ડ તોડ્યો

સામાન્ય રીતે ઓક્ટોબર મહિનામાં ચોમાસુ વિદાય લઈ લેતું હોય છે. આ વખતે ઓક્ટોબર મહિનામાં વરસાદે ચાર વર્ષનો રેકોર્ડ તોડ્યો છે. સામાન્ય રીતે ઓક્ટોબર મહિનામાં 21.4 ટકા વરસાદ નોંધાતો હોય છે. તેની સામે આ વખતે 339 ટકા વધુ વરસાદ નોંધાયો છે. ઓક્ટોબર મહિનામાં 94 MM વરસાદ નોંધાયો છે. વરસાદી સિસ્ટમ ધીરે ધીરે નબળી પડી રહી છે અને એક થી બે દિવસની અંદર વરસાદ વિદાય લઈ શકે છે અને ગુલાબી ઠંડી જોર પકડી શકે છે. પશ્ચિમ હિમાલય ક્ષેત્રમાં હિમવર્ષા, પંજાબ અને હરિયાણામાં વરસાદ

વેસ્ટર્ન ડિસ્ટર્બન્સના કારણે 5 નવેમ્બરે જમ્મુ-કાશ્મીર, લદ્દાખ, ગિલગિટ-બાલ્ટિસ્તાન, મુઝફ્ફરાબાદ, હિમાચલ પ્રદેશ અને ઉત્તરાખંડમાં હિમવર્ષા થવાની ધારણા છે. 5 અને 6 નવેમ્બરે પશ્ચિમી હિમાલય ક્ષેત્રમાં છૂટાછવાયાથી ભારે વરસાદ અને હિમવર્ષા શક્ય છે. 5 અને 6 નવેમ્બરે પંજાબ અને હરિયાણામાં વરસાદની આગાહી છે.