Navsariના ઇટાળવામાં કામદારો દટાયા, ફાયર વિભાગે હાથધર્યુ રેસ્કયૂં ઓપરેશન

નવસારીના ઇટાળવામાં ખાળકુવાનું કામ કરતી વેળાએ મોટી દુર્ઘટના સર્જાઇ છે,જેમાં માટીની ભેખડ ધસી પડતા બે શ્રમિકો દટાયા હોવાની વાત સામે આવી છે,ફાયર વિભાગે ઘટના સ્થળે જઈ રેસ્કયૂ ઓપરેશન હાથધર્યુ છે અને બન્ને કામદારોને હોસ્પિટલ સારવાર હેઠળ ખસેડયા છે,એરુ રોડના સ્ક્વેર હાઈટ એકમમાં આ ઘટના બની હોવાની વાત સામે આવી છે.નવસારી ફાયર વિભાગે ઘટનાસ્થળે પહોંચ્યું સમગ્ર ઘટનાની વાત કરવામાં આવે તો નવસારીમાં એક નવા બિલ્ડીંગને લઈ કામકાજ ચાલી રહ્યું હતુ તે દરમિયાન બે શ્રમિકો કામ કરી રહ્યાં હતા અને અચાનક ભેખડ ધસી પડી હતી જેને લઈ બે શ્રમિકો દટાતા અફરા-તફરીનો માહોલ સર્જાયો હતો તો બન્ને શ્રમિકોને બહાર કાઢી સારવાર હેટળ ખસેડાયા છે,જેમાં બન્ને શ્રમિકોની સારવાર હાલમાં ચાલી રહી છે,પોલીસે અને ફાયર વિભાગે ઘટનાને લઈ તપાસનો ધમધમાટ શરૂ કર્યો છે અને અન્ય શ્રમિકોના નિવેદન પણ લીધા છે. શ્રમિકોને બહાર કાઢી હોસ્પિટલ ખસેડાયા નવસારી શહેર ના ઇટાળવા વિસ્તારમાં કામદારો દટાયા હતા જેમને બહાર કાઢી સારવાર હેઠળ ખસેડાયા છે,હાલ બન્ને શ્રમિકોની હાલત ગંભીર છે,બાંધકામ એકમ ઉપર ખાળ કુવાનું કામ કરતી વખતે માટીનો એક તરફનો ભાગ ધસી પડયો હતો અને આ ઘટના બીની હતી,નવસારી ફાયર વિભાગે ઘટના સ્થળે જઈ તાત્કાલિક કામગીરી હાથધરી હતી,પોલીસે હાલ જાણવાજોગ દાખલ કરી છે અને જે જગ્યાએ આ બાંધકામ ચાલી રહ્યું હતુ તે બિલ્ડરની પણ પૂછપરછ હાથધરી છે અને નિવેદન નોંધ્યા છે.