Morbi News: હળવદમાં સૌરાષ્ટ્ર ગ્રામીણ બેંકની શાખામાં લાગી આગ

શોર્ટ સર્કિટથી આગ લાગી હોવાનું અનુમાનમોટા ભાગના દસ્તાવેજ બળીને ખાખ ફાયરની ટીમે આગ પર કાબુ મેળવવા પ્રયાસ હાથ ધર્યા રાજકોટ અગ્નિકાંડ બાદ સમગ્ર રાજ્યમાં જ્યાં એક તરફ ફાયર સેફટીને લઈને તપાસ તેજ થઈ ગઈ છે તો બીજી બાજુ  આજે મોરબી જિલ્લાના હળવદમાં એક બેંકમાં આગ લાગતાં નાસભાગ મચી ગઈ હતી. બેંકમાં લાગેલ આગમાં બેંકના મોટાભાગના અગત્યના દસ્તાવેજો બળીને ખાખ થઈ ગયા હતા. મળતી માહિતી મુજબમ હળવદમાં મયુરનગરમાં આવેલ સૌરાષ્ટ્ર ગ્રામીણ બેંકમાં આગ લાગવાની ઘટના સામે આવી છે. સૌરાષ્ટ્ર ગ્રામીણ બેંકમાં આગ લાગતાં નાસભાગ મચી ગઈ હતી. બેંકમાં આગ લાગવાની ઘટનાની જાણ થતાં ફાયરની ટીમ ઘટના સ્થળે દોડી આવી હતી અને આગ પર કાબૂ મેળવવા પ્રયાસો હાથ ધાર્યા હતા. જોકે, આગમાં બેંકના મોટાભાગના અગત્યના દસ્તાવેજો બળીને ખાખ થઈ ગયા હતા.  પ્રાથમિક અનુમાન મુજબ શોર્ટ સર્કિટને કારણે બેંકમાં આગ લાગી હતી. તો ઘટના સ્થળે હાજર લોકોનો દાવો છે કે આગ એક કલાક લાગી હતી. આગ લાગવાની જાણ હળવદ નગરપાલિકાની ફાયરની ટીમને કરવામાં આવી હતી. આગની ઘટનાની જાણ થતાં ગામલોકો એકઠા થઈ ગયા હતા અને આગપર કાબૂ મેળવવા પ્રયાસો હાથ ધર્યા હતા. બાદમાં ફાયર વિભાગની ટીમે આવીને આગ પર કાબૂ મેળવ્યો હતો.