Gujarat Weather : રાજયમાં કાળઝાળ ગરમી માટે રહો તૈયાર, શિયાળો લેશે વિદાય

રાજ્યમાં શિયાળાની વિદાયની શરૂઆત થઈ ગઈ છે જેમાં રાજ્યમાં મહત્તમ અને લઘુત્તમ તાપમાનમાં વધારો થઈ રહ્યો છે,લઘુત્તમ અને મહત્તમ તાપમાન 5 ડિગ્રી જેટલું વધ્યું છે,તો મહુવામાં સૌથી ઓછું લઘુત્તમ તાપમાન 16.3 ડિગ્રી અને ગાંધીનગરમાં સૌથી વધુ મહત્તમ તાપમાન 35.6 ડિગ્રી નોંધાયું છે,રાજયમાં પવનોની દિશા પણ બદલાઈ છે. જાણો કયા કેટલું તાપમાન નોંધાયું હવામાન વિભાગની આગાહી પ્રમાણે વાત કરવામાં આવે તો ગાંધીનગરમાં લઘુત્તમ તાપમાન 18.6 ડિગ્રી,અમદાવાદમાં લઘુત્તમ તાપમાન 19.9 ડિગ્રી,અમદાવાદમાં મહત્તમ તાપમાન 35.5 ડિગ્રી,ડીસામાં લઘુત્તમ તાપમાન 18.1 અને મહત્તમ 35.3 ડિગ્રી,વડોદરામાં લઘુત્તમ તાપમાન 19 અને મહત્તમ 34.6 ડિગ્રી,કંડલામાં લઘુત્તમ તાપમાન 21.2 અને મહત્તમ 35.4 ડિગ્રી,સુરતમાં લઘુત્તમ તાપમાન 18.8 અને મહત્તમ 34.9 ડિગ્રી,ભાવનગરમાં લઘુત્તમ તાપમાન 21.9 ડિગ્રી,ભાવનગરમાં મહત્તમ તાપમાન 33.6 ડિગ્રી,રાજકોટમાં લઘુત્તમ તાપમાન 35.4, મહત્તમ 18 ડિગ્રી નોંધાયું છે. બપોરના સમયે ગરમીનો અહેસાસ ગુજરાતમાં ઠંડી ધીરે ધીરે વિદાય લઈ શકે છે તેવી આગાહી હવામાન વિભાગ દ્વારા કરવામાં આવી છે. બંગાળની ખાડી તરફથી આવતા ભેજવાળા પવન અને વેસ્ટર્ન ડિસ્ટર્બન્સને કારણે રાજ્યના અનેક વિસ્તારોમાં વાદળછાયું વાતાવરણ છવાયું છે.આ સાથે ગરમી વધવાની પણ આગાહી કરી છે.હાલ ગુજરાતમાં ઉત્તરથી ઉત્તર પૂર્વની દિશાના પવન ફૂંકાઈ રહ્યા છે. ત્યારે ગુજરાતમાં 24 કલાક શુષ્ક હવામાન રહેશે. રાજ્યમાં એક જ દિવસમાં તાપમાન 2 થી 5 ડિગ્રી વધી ગયું છે પવનની દિશા બદલાતા તાપમાનમાં વધારો થયો છે. જમ્મૂ-કાશ્મીરમાં નવું વેસ્ટર્ન ડિસ્ટર્બન્સ સક્રિય થતા ગુજરાત પર તેની મોટી અસર જોવા મળી છે. અમદાવાદના લઘુત્તમ તાપમાનમાં એક દિવસમાં 3.5 ડિગ્રીનો વધારો થયો છે. વહેલી સવારે લાગતી ઠંડીના પ્રમાણમાં ઘટાડો થયો છે. પરંતું ત્રણ દિવસ બાદ ફરી ઠંડીમાં સામાન્ય વધારો થઈ શકે છે. જો કે, હાલના દિવસોમાં મિશ્ર ઋતુ રહેતી હોવાના કારણે રોગચાળાના પ્રમાણમાં વધારો થયો છે. સવારે અને રાત્રે ઠંડી તો દિવસના ભાગમાં ગરમીનો અનુભવ થઈ રહ્યો છે.