Gujarat Palika Election 2025 : તળાજાની ચૂંટણીમાં પોલીસ અને ઉમેદવાર વચ્ચે બોલાચાલી

ભાવનગરના તળાજા નપાની ચૂંટણીમાં બબાલ થઈ હોવાની વાત સામે આવી છે જેમાં કેન્દ્ર પર પોલીસ અને ઉમેદવાર વચ્ચે બોલાચાલી થઈ છે,મતદાન મથક બહાર ઉમેદવારના સમર્થકો ઉમટ્યા છે તો મતદાન મથક પર ટોળા વળતા કાયદાનું ઉલ્લંઘન થતા પોલીસ અને ઉમેદવાર વચ્ચે બોલાચાલી થઈ હતી પછી મામલો થાળે પડતા લોકોના ટોળા વિખેરાયા હતા.

ભાવનગરમાં ત્રણ નગરપાલિકાની ચૂંટણી

સિહોર નગરપાલિકાના 9 વોર્ડની 36 બેઠકો પર મતદાન પ્રક્રિયા થઇ રહી છે. જેમાં પુરુષ મતદારો 24314, સ્ત્રી મતદારો 22391 મળી મતદારો 46705 મતદારો પોતાનો મતા અધિકારનો ઉપયોગ કરશે. આમ, 9 વોર્ડ પર કુલ 100 ઉમેદવારો વચ્ચે ચૂંટણી જંગ જામ્યો છે. ગારીયાધાર નગરપાલિકામાં 7 વોર્ડ પર 28 બેઠકો પર મતદાન પ્રક્રિયા યોજાશે. જેમાં પુરુષ મતદારો 13960, સ્ત્રી મતદારો 13049 મળી મતદારો 27009 મતદારો પોતાનો મતા અધિકારનો ઉપયોગ કરશે. આમ, 7 વોર્ડ પર કુલ 60 ઉમેદવારો વચ્ચે ચૂંટણી જંગ જામ્યો છે.

કુલ 2178 બેઠકોમાંથી 203 બેઠકો બિનહરીફ જાહેર

એક મનપા, 66 નગરપાલિકાઓ માટે મતદાન યોજાયું છે,મતદાન,સ્થાનિક સ્વરાજની ચૂંટણીમાં 10168 ઉમેદવાર મેદાને,પાલિકા-પંચાયતોની 1962 બેઠક માટે ચૂંટણી યોજાઈ રહી છે,કુલ 2178 બેઠકોમાંથી 203 બેઠકો બિનહરીફ જાહેર થઈ છે,203માંથી ભાજપના 195 ઉમેદવારો બિનહરીફ જાહેર,કોંગ્રેસના 3 અને અપક્ષના 5 ઉમેદવારો બિનહરીફ,ભાજપના 195માંથી 21 મુસ્લિમ ઉમેદવાર બિનહરીફ,કુલ 4033 મતદાન મથકો ઉપર ચૂંટણીનું આયોજન છે,જેમાં 836 સંવેદનશીલ, 153 અતિસંવેદનશીલ મથકો,કાલે સવારે 7થી સાંજે 6 વાગ્યા સુધી મતદાન યોજાશે,18 ફેબ્રુઆરીએ મતગણતરી હાથ ધરાશે.