Gujarat Monsoon : કચ્છ જિલ્લાના ગ્રામ્ય પંથકમાં વહેલી સવારથી વરસાદની જોરદાર બેટિંગ

કચ્છના માંડવી અને આસપાસમાં વરસાદ માંડવીના ગ્રામ્ય વિસ્તારોમાં પણ વરસાદ રોડ રસ્તા પર વરસાદી પાણી ફરી વળ્યું ગુજરાતમાં વરસાદનું વિધીવત રીતે આગમન થઈ ગયું છે ત્યારે કચ્છ જિલ્લામાં વહેલી સવારથી વરસાદ વરસી રહ્યો છે.કચ્છના માંડવી અને આસપાસના વિસ્તારોમાં વરસાદ વરસી રહ્યો છે.પાણી ભરાતા વાહનચાલકોને ભારે હાલાકી પડી રહી છે.ગઈકાલે પણ કચ્છના અનેક વિસ્તારોમાં વરસાદ વરસ્યો હતો. વરસાદને લઈ હવામાન વિભાગે આપી છે આગાહી ગુજરાતમાં ચોમાસું સક્રિય થઈ ગયું છે ત્યારે દક્ષિણ ગુજરાત અને સૌરાષ્ટ્રમાં વરસાદ પડવાનો શરૂ થઈ ગયો છે ત્યારે આગામી પાંચ દિવસ માટે હવામાન વિભાગે આગાહી કરી છે. આગામી પાંચ દિવસ કચ્છ અને સૌરાષ્ટ્રના મોટાભાગના વિસ્તારોમાં ભારેથી અતિભારે વરસાદની આગાહી કરવામાં આવી છે. આજે કયા છે વરસાદની આગાહી આજે સૌરાષ્ટ્રના દ્વારકા જિલ્લામાં ભારેથી અતિભારે વરસાદની આગાહી કરવામાં આવી છે. આ ઉપરાંત સોરાષ્ટ્રના અમરેલી, રાજકોટ, જામનગર, પોરબંદર ઉપરાંત કચ્છમાં ભારે વરસાદ પડવાની શક્યતાઓ છે. હવામાન વિભાગે ગાંધીનગર, અરવલ્લી, ખેડા, અમદાવાદ, આણંદ, પંચમહાલ, દાહોદ અને મહિસાગર,માં વાવાઝોડા સાથે વરસાદ પડવાની આગાહી કરી છે. આ ઉપરાંત ડાંગ, તાપી, નવસારી, વલસાડ અને દમણમાં ભારે વરસાદ પડવાની શક્યતાઓ સેવી છે. 18 જૂને વરસાદની આગાહીની શકયતા ગાંધીનગર, અરવલ્લી, ખેડા, અમદાવાદ, આણંદ, પંચમહાલ, દાહોદ અને મહિસાગરમાં વાવાઝોડા સાથે વરસાદ પડશે. આ ઉપરાંત વડોદરા, છોટા ઉદેપુર, નર્મદા, ભરૂચ, સુરત, ડાંગ, તાપી, નવસારી, વલસાડ અને દમણ, દાદરા નગર હવેલી સહિતના વિસ્તારોમાં ભારે વરસાદની આગાહી છે. સૌરાષ્ટ્રના સુરેન્દ્રનગર, જામનગર, રાજકોટ, પોરબંદર, જૂનાગઢ, અમરેલી, ભાવનગર, મોરબી, દ્વારકા, ગીર સોમનાથ, બોટાદ, દિવ અને કચ્છમાં વરસાદ પડશે.