Dhandhuka: શહેરના ટાવર ચોક વિસ્તારના જૂના પોલીસ કવાટર્સમાં આગ ભભૂકી

ધંધૂકા શહેરના ટાવર ચોક વિસ્તારમાં આવેલા જુના પોલીસ કવાટર્સમાં અચાનક આગની જ્વાળાઓ ભભૂકી ઉઠી હતી. જેને લઇ સમગ્ર વિસ્તારમાં થોડા સમય માટે અફરાતફરીનો માહોલ સર્જાયો હતો.ધંધૂકા પાલિકાના ફાયર ફાઇટરની મદદથી એક કલાકની ભારે જહેમત બાદ લાશ્કરો દ્વારા આગ પર કાબુ મેળવી લેવાયો હતો. ધંધૂકા શહેરના ટાવર ચોક વિસ્તારમાં આવેલા જુના પોલીસ કવાટર્સ ખાતે અચાનક આગ ભભૂકી ઉઠી હતી. જેને લઇ આજુબાજુના સ્થાનિકોમાં ભય ફેલાયો હતો અને અફ્રાતફ્રીનો માહોલ સર્જાયો હતો. સ્થાનિકોએ આગની લપટો જોતા જ આગ બુજાવાના પ્રયત્નો શરૂ કર્યા હતા. તો ધંધૂકા નગરપાલિકાના ફાયર ફાઇટરની મદદથી આગને કાબુમાં લેતા એક કલાકની ભારે જહેમત કરવી પડી હતી. વર્ષો જૂના આ પોલીસ કવાટર્સ પાછલા ઘણા વર્ષોથી જર્જરિત અને ખંડેર હાલતમાં છે. આ ક્વાટર્સમાં પાછલા ગણા વર્ષોથી કોઈ પોલીસ કર્મચારી રહેતા જ નથી. જેના લીધે આજે મોટી દુર્ઘટના ટળી હતી અને આગ પર કાબુ મેળવી લેવાતા સ્થાનિકો અને આજુબાજુના રહીશોએ રાહતનો શ્વાસ લીધો હતો.