Dhandhuka તાલુકા નાના ત્રાડિયા ગામે વીજ ચેકિંગ ટીમના ત્રણ કર્મચારીઓને માર મરાયો

 ધંધૂકા તાલુકાના નાના ત્રાડિયા ગામે યુજીવીસીએલ કંપની દ્વારા વીજ ચેકીંગ કરવામાં આવી રહ્યું હતું. ત્યારે અમુક વ્યક્તિઓ દ્વારા વીજ ચેકીંગને લઈ વિરોધ કરાયો અને બોલાચાલી થઈ હતી.

ત્યારબાદ મામલો મારામારી સુધી પહોંચ્યો હતો. બનાવમાં કુલ 6 લોકો વિરુદ્ધ સરકારી કામમાં રુકાવટ કરી હુમલો કરી ચાલુ ફ્રજ પરના કર્મચારીને ઇજા પહોંચાડવા બાબતે ગુનો નોંધાયો હતો.

નાના ત્રાડીયા ગામ ખાતે પીજીવીસીએલની ટીમ દ્વારા વીજ ચેકિંગ કરવામાં આવી રહ્યું હતું. ત્યારે ગામના રમેશભાઈ પ્રજાપતિ અજયભાઈ પઢીયાર રમેશભાઈનો પુત્ર અને ત્રણ અજાણી મહિલાઓ દ્વારા ચેકિંગ મુદ્દે વિરોધ કરાયો હતો. વીજ કંપનીના અધિકારીઓ અને કર્મચારીઓ સાથે બોલાચાલી પણ કરવામાં આવી હતી આ બોલાચાલી એ ટૂંક સમયમાં ઉગ્ર સ્વરૂપ ધારણ કરતા મારા મારી સુધી પહોંચી હતી જેમાં કંપનીના ત્રણ કર્મચારીઓને માર મરાતા તેઓ ઇજાગ્રસ્ત થયા હતા ઇજાગ્રસ્ત કર્મચારીઓને ધંધુકા ખાતે સારવાર આપવામાં આવી હતી આ મુદ્દે વીજ કંપનીના નાયબ ઇજનેર ધવલ ચોટલીયા દ્વારા ઉપરોક્ત છ વિરુદ્ધ સરકારી કામમાં રૂકાવટ વીજ કંપની ના ફ્રજ પરના કર્મચારીઓ સાથે માથાકૂટ કરી માર મારવા સંબંધે ધંધૂકા પોલીસ મથકમાં પોલીસ ફ્રિયાદ નોંધાવી હતી સમગ્ર મુદ્દે પીએસઆઇ બારૈયા દ્વારા વીજ કંપનીના કર્મચારીઓ પર હુમલો કરનારા શખ્સોને ઝડપી પાડવા માટે ચક્રો ગતિમાન કરવામાં આવ્યા છે.