Ahmedabad: રાજસ્થાનથી અમદાવાદ દારુની હેરાફેરી કરતી 14 મહિલાઓ પકડાઈ

અમદાવાદ ક્રાઈમ બ્રાન્ચે શહેરમાં સૌથી મોટી કાર્યવાહી કરી છે. ક્રાઈમ બ્રાન્ચ દ્વારા દારૂની હેરાફેરી કરતી 14 મહિલાઓની ધરપકડ કરવામાં આવી છે. આ મહિલાઓ રાજસ્થાનથી અમદાવાદ દારૂની હેરાફેરી કરતી હતી. આ તમામ મહિલાઓ રાજસ્થાનથી ખાનગી બસમાં પેસેન્જર બનીને દારૂની હેરાફેરી કરતી હતી.99,400ની કિંમતની 899 દારૂની બોટલ જપ્ત તમને જણાવી દઈએ કે મહિલાઓ પોતાના સામાનમાં દારૂનો જથ્થો ભરીને અમદાવાદ લાવતી હતી અને અહીંયા મોંઘા ભાવે દારૂનું વેચાણ કરતી હતી. જો કે ક્રાઈમ બ્રાન્ચને મળેલી બાતમીના આધારે કાર્યવાહી કરતા મોટા પ્રમાણમાં દારૂનો જથ્થો આ 14 મહિલાઓ પાસેથી જપ્ત કરવામાં આવ્યો છે. ક્રાઈમ બ્રાન્ચે મંજુ ચુનારા સહિત 13 મહિલાઓની ધરપકડ કરી છે અને આગળની કાયદેસરની કાર્યવાહી હાથ ધરી છે. આ મહિલાઓ પાસેથી કુલ 99,400ની કિંમતની 899 દારૂની બોટલ કબજે કરી છે. મોરબી 76 લાખના દારૂ સાથે 4 આરોપીઓ ઝડપાયા થોડા દિવસો પહેલા જ મોરબીમાં સ્ટેટ મોનિટરીંગ સેલે દરોડા પાડી મોટી માત્રામાં દારૂ ઝડપી પાડયો હતો, જેમાં પોલીસે 76.39 લાખના દારૂના જથ્થા સાથે 4 આરોપીઓની ધરપકડ કરી હતી. ત્યારે ફરી એક વખત સ્થાનિક પોલીસ ઉંઘતી ઝડપાઈ હતી અને SMCની ટીમે દરોડા પાડીને દારૂનો મોટો જથ્થો ઝડપી પાડ્યો હતો. મોરબીમાં દારૂનો જથ્થો અવાર-નવાર એસએમસીની ટીમ ઝડપી પાડે છે ત્યારે વધુ એક વાર દારૂનો જથ્થો મોટીમાત્રામાં ઝડપી પાડવામં આવ્યો હતો. જેમાં વિદેશી દારૂની કિંમત 76.39 લાખ રૂપિયા હતી અને કુલ 4 આરોપીઓની ધરપકડ કરવામાં આવી હતી.