Ahmedabad: મીઠાખળીમાં જાહેર રોડ પર કાર ચાલકે મહિલાને ફંગોળી, થયુ મોત

અમદાવાદમાં ફરી એક વખત ગોઝારો અકસ્માત થયો છે. શહેરના મીઠાખળી પાસે કાર ચાલકે અકસ્માત સર્જ્યો છે. સ્કોડા કાર ચાલક પુરપાટ ઝડપે આવી રહ્યો હતો અને રસ્તા પર અન્ય વાહનોને ટક્કર મારી છે. અકસ્માતની આ ઘટનામાં 1 વ્યક્તિનું ઘટનાસ્થળે જ મોત થયું છે, જ્યારે અન્ય 3 લોકો ઘાયલ થયા છે.

કારચાલક દારુના નશામાં હોવાનો સ્થાનિકોનો આક્ષેપ

આ ગોઝારા અકસ્માતમાં રોનકબેન ધવલભાઈ પારેખ નામની મહિલાનું નિધન થયું છે. કાર ચાલક દારૂના નશામાં હોવાનું સ્થાનિકો આક્ષેપ કરી રહ્યા છે. જાહેર રસ્તા પર અકસ્માતની ઘટના બન્યા બાદ સ્થાનિકોએ પોલીસ સ્ટેશનમાં હોબાળો મચાવ્યો છે અને આરોપીને જેલ હવાલે કરવાની માગ કરી છે.

આરોપીને જેલ હવાલે કરવાની માગ સાથે સ્થાનિકોનો પોલીસ સ્ટેશનમાં હોબાળો

મહિલાનું નિધન થતાં સ્થાનિકો B ટ્રાફિક પોલીસ સ્ટેશન પહોંચ્યા અને આરોપીને જેલ હવાલે કરવાની માગ સાથે ટોળાએ હોબાળો મચાવ્યો છે. જો કે પોલીસે ટોળાને શાંત કરીને પોલીસ સ્ટેશન બહાર કાઢ્યા અને સમગ્ર મામલો થાળે પાડ્યો છે. જો કે આ ઘટના બાદ સ્થાનિકોમાં ભારે રોષ જોવા મળી રહ્યો છે.