મારી માતા છે ઘરે લઇ જવાનું કહ્યું તપાસમાં રાજસ્થાનના યુવકને કાઢી મૂક્યો હતો

Oct 1, 2025 - 07:30

Join our WhatsApp Community to receive travel deals, free stays, and special offers!
- Join Now -

અમદાવાદ,મંગળવાર

કાલુપુર પોલીસ સ્ટેશનમાં આવીને એક યુવકે પોતે ૨૫ વર્ષથી ગુમ થયો હોવાની વાત કરી હતી. અને સરનામું તથા માતા-પિતાનું નામ ખબર ન હોવાની વાત કરી હતી. એક ટ્રક ચાલક તેેને હરિયાણા લઇ ગયો હતો અને પશુઓના તબેલામાં કામ કરાવતા હોવાની વાર્તા કરી હતી. જો કે પોલીસે પરિવાર સાથે મિલન કરાવવા માટે યુવકનો ફોટા અને વિડિયો બનાવીને સોશિયલ મિડિયા મારફતે વાયરલ કર્યો હતો જ્યાં હાલમાં સુરત રહેતા અને અગાઉ રાણીપમાં રહેતી મહિલા આવી હતી તેનો પુત્ર ૨૫ વર્ષ પહેલા ગુમ થયાની વાત કરી હતી બીજીતરફ યુવકે તમે મારી માતા છો કહીને ઘરે લઇ જવાની વાત કરતો હતો. દરમિયાન રાજસ્થાનથી ફોન દ્વારા જાણવા મળ્યું હતુ કે યુવકને ઘરેથી કાઢી મૂકેલો છે. આ બનાવ અંગે કાલુપુર પોલીસે ખોટુ નામ ધારણ કરીને ઓળખના બોગસ પુરાવા રજુ કરવા બદલ તેની સામે ઠગાઇનો ગુનો નોંધી વધુ તપાસ હાથ ધરી છે.