માથાભારે વાજીદ કુરેશીએે રીવરફ્રન્ટ પર બેસી પોલીસ વિરૂદ્ધ વિડીયો બનાવ્યો

Feb 7, 2025 - 00:00

Join our WhatsApp Community to receive travel deals, free stays, and special offers!
- Join Now -

અમદાવાદ,ગુરૂવાર

શહેરના શાહપુર વિસ્તારમાં રહેતા એક યુવક બે દિવસ પહેલા સાબરમતી રિવરફ્રન્ટ પર બેસીને શાહપુર પોલીસ સ્ટેશનના પીઆઇ અને અન્ય સ્ટાફના ત્રાસના કારણે આત્મહત્યા કરવી પડે તેવી સ્થિતિનું નિર્માણ થયાનો આક્ષેપ કરતો વિડીયો વાયરલ કર્યો હતો. જો કે આ અંગેેની તપાસમાં ચોંકાવનારો ખુલાસો થયો છે કે આ વિડીયો બનાવનાર યુવક વાજીદ કુરેશી વિરૂદ્ધ પ્રોહીબીશન સહિતના અનેક ગુના અને બે વાર પાસાની સજા થઇ ચુકી છે. પોલીસે તેના વિરૂદ્ધ કાર્યવાહી કરતા તેણે ખોટા વિડીયો બનાવીને પોલીસને બદનામ કરવાનો પ્રયાસ કર્યો હોવાનું પણ જાણવા મળ્યું છે.

શાહપુર વિસ્તારમાં રહેતા વાજીદ કુરેશી નામના યુવકનો એક વિડીયો સોશિયલ મિડીયામાં વાયરલ થયો હતો. જેમાં તેણે આક્ષેપ કર્યો હતો કે શાહપુર પોલીસ સ્ટેશનના પીઆઇ ખાંભલા, પીએસઆઇ ભાટિયા , દિલ્હી ચકલા ચોકીના પીએસઆઇ અને રાયટરે મને ચાર મહિનાથી પરેશાન કર્યો છે અને પરિવારને પણ પરેશાન કરે છે.