જામનગર શહેર અને લાલપુરમાં થયેલી બે બાઈક ચોરીનો ભેદ ઉકેલાયો: બે ચોરાઉ બાઇક સાથે એક તસ્કર પકડાયો

જામનગર શહેર અને લાલપુરમાં થયેલી બે મોટરસાયકલ ની ચોરીનો ભેદ ઉકેલવામાં એલસીબી ની ટુકડીને સફળતા સાંપડી છે, અને હરીપર ગામના એક તસ્કરને ઝડપી લીધો છે અને તેની પાસેથી બે ચોરાઉ મોટરસાયકલ કબજે કરી લીધા છે. લાલપુર તાલુકાના નાની રાફુદડ ગામમાં રહેતા અને એપ્રેન્ટિસ તરીકે અભ્યાસ કરતા અયુબભાઈ ગુલમામદભાઈ વાંઢા નામના ૨૦ વર્ષના વિદ્યાર્થી યુવાને લાલપુરના એસ.ટી. બસ સ્ટેન્ડ ની બાજુમાં પાર્ક કરેલું પોતાનું બાઈક કોઈ તસ્કરો ચોરી કરી લઈ ગયા ની ફરિયાદ લાલપુર પોલીસ મથકમાં નોંધાવી હતી.