સુરતમાં પાટીદાર મહિલા PSIના ચોંકાવનારા નિવેદન બાદ ગોપાલ ઈટાલિયાએ પોલીસને દારૂના અડ્ડાનું લિસ્ટ આપ્યું

Surat News : ગુજરાતમાં ખુલ્લેઆમ દારૂના વેચાણ થતું હોવાની અનેક ઘટનાઓ સામે આવતી હોય છે. રાજ્યમાં જાણે નામની જ દારૂબંધી હોય તેવું લાગી રહ્યું છે, ત્યારે સુરતના સરથાણના મહિલા PSIના નિવેદન બાદ રાજકારણ ગરમાયું છે. તેવામાં AAPના નેતા ગોપાલ ઈટાલિયાએ સુરત પોલીસને દારૂના લિસ્ટનો એક પત્ર સોશિયલ મીડિયા માધ્યમ પર શેર કર્યો હતો અને દારૂના વેચાણ સામે યોગ્ય કાર્યવાહી કરવા જણાવ્યું હતું.ગોપાલ ઈટાલિયા સુરતમાં દારૂના અડ્ડાનું લિસ્ટ પોલીસમાં આપ્યુંરાજ્યમાં દારૂના વેચાણને લઈને AAPના નેતા ગોપાલ ઈટાલિયાએ સોશિયલ મીડિયામાં એક પત્ર જાહેર કરીને જણાવ્યું હતું કે, 'ગુજરાતના અનેક વિસ્તારોમાં દારૂનું વેચાણ થાય છે.