પેસેન્જરના એટીએમ કાર્ડનો પીન નંબર મેળવી સોનાના દાગીના ખરીદી કર્યા

અમદાવાદ , સોમવારકાલુપુર રેલવે સ્ટેશન પર પેસેન્જરની નજર ચુકવીને એટીએમ કાર્ડની ચોરી કરીને રોકડ ઉપાડવાની સાથે સોનાના દાગીના ખરીદી કરવાના કેસમાં ડીસીપી ઝોન-૨ના સ્ક્વોડ સ્ટાફે બે આરોપીઓની ધરપકડ કરીને રોકડ, દાગીના સહિતના મુદ્દામાલ જપ્ત કર્યો છે. પ્રાથમિક તપાસમાં પોલીસને જાણવા મળ્યું હતું કે આરોપીઓ કાલુપુર રેલવે સ્ટેશન જતા પેસેન્જરોને એન્ટ્રી માટેનું કાર્ડ બનાવવાનું કહીને એટીએમ કાર્ડ મેળવીને લોકોને ટારગેટ કરતા હતા. આ અંગે પોલીસે વધુ તપાસ હાથ ધરી છે.આ સમગ્ર બનાવની વિગતો એવી છે કે તામીલનાડુના ચૈન્નાઇમાં રહેતા લીલારામ ચૌધરીને ચૈન્નાઇથી રાજસ્થાન તેમના વતનમાં જવાનું હોવાથી તે ટ્રેનમાં બેસીને કાલુપુર રેલવે સ્ટેશન આવ્યા હતા. જ્યાંથી તે રીક્ષામાં બેસીને સાબરમતી રેલવે સ્ટેશન પર આવ્યા હતા.