પતિએ વોટ્સએપ અને ઇન્સ્ટાગ્રામ પર પત્નીના અંગત ફોટો મુકી ધમકી આપી

અમદાવાદ,શનિવારશહેરના ઘાટલોડિયા વિસ્તારમાં રહેતી પરિણીત યુવતીએ તેના  પતિ પાસેથી છુટાછેડાની માંગણી કરતા માથાભારે પતિએ યુવતીના અંગત ફોટો વોટ્સએપ અને ઇન્સ્ટાગ્રામ પર પોસ્ટ કરીને વધુ વાયરલ કરવાની ધમકી આપી હતી. આ અંગે ઘાટલોડિયા પોલીસે ગુનો નોંધીને  કાર્યવાહી કરી છે. શહેરના ઘાટલોડિયા વિસ્તારમાં રહેતી પરિણીત યુવતીના લગ્ન વડોદરાના વાઘોડિયા નજીકના ગોરજમાં રહેતા યુવક સાથે  થયા હતા. યુવતી સાસરીમાં હતી ત્યારે તે ઇન્સ્ટાગ્રામ  એકાઉન્ટ યુઝ કરતી હતી. ત્યારે તેના પતિએ ઇન્સ્ટાગ્રામ આઇડી અને પાસવર્ડ મેળવીને સાથે ઓપરેટ કરવાની વાત કરી હતી. યુવતીને લગ્નના થોડા સમય બાદ તે પિયરમાં આવી હતી.