તમિલનાડુની ગેંગે કારમાંથી એટીએમ કાર્ડ ચોરી દોઢ લાખ ઉપાડી લીધા

વડોદરા,તમિલનાડુની ટોળકીના કરતૂતોનો ભોગ બનેલી મહિલાએ સયાજીગંજ પોલીસ સ્ટેશનમાં ફરિયાદ નોંધાવી છે. જે અંગે સયાજીગંજ પોલીસે વધુ તપાસ હાથ ધરી છે.ગોત્રી રાજેશ ટાવર રોડ પર સરિતા સંગમ સોસાયટીમાં રહેતા ૬૨ વર્ષના  ઇલાબેન મુકુંદભાઇ પટેલે સયાજીગંજ પોલીસ સ્ટેશનમાં ફરિયાદ નોંધાવી જણાવ્યું છે કે, ગત તા. ૧૯ મી ડિસેમ્બરે હું તથા મારી દીકરી ડોલી અને જમાઇ નિશીલભાઇ કાર લઇને ઘરેથી નીકળી અલકાપુરી કામ માટે ગયા હતા. કાર વેસ્ટ સાઇડ બિલ્ડિંગના બહારના ભાગે પાર્ક કરી મારી દીકરી અને જમાઇ ગયા હતા.હું ગાડીમાં પાછળની સીટ પર બેઠી હતી.