જંબુસરના જંત્રાણ ગામે બોગસ દસ્તાવેજો થકી જમીન પચાવી પાડવાનો પ્રયાસ : તલાટી કમ મંત્રી, સર્કલ ઓફિસર સહિત 22 સામે ગુનો

Aug 7, 2025 - 16:30

Join our WhatsApp Community to receive travel deals, free stays, and special offers!
- Join Now -

Bharuch Land Grabbing : જંબુસર તાલુકાના જંત્રાણ ગામે આવેલ વડીલોપાર્જીત જમીનમાં બોગસ દસ્તાવેજોના આધારે ફરિયાદીનો હક્ક કમી કરાવી જમીન પચાવી પાડવાનો પ્રયાસ કરી તેમજ 20 લાખથી વધુની છેતરપિંડી અંગે કાવી પોલીસે ફરિયાદના આધારે તલાટી કમ મંત્રી, સર્કલ ઓફિસર સહિત 22 આરોપીઓ વિરુદ્ધ ચીટીંગનો ગુનો નોધી તેઓની ધરપકડના ચક્રો ગતિમાન કર્યા હતા.

મૂળ ભરૂચના મદાફર ગામના વતની અને હાલ આણંદ ખાતે રહેતા બસીર અકબરભાઈ પઠાણ ખેતી વ્યવસાય સાથે સંકળાયેલ છે. તેમના પિતાનું વર્ષ 2005માં નિધન થયું હતું. ભરૂચ જિલ્લાના જંબુસર તાલુકા ખાતે જંત્રાણ ગામની સીમમાં તેઓની વડીલોપાર્જિત જમીન આવેલી છે. 22 આરોપીઓ પૈકી 18 આરોપીઓ ફરિયાદી બસીરભાઈના સંબંધી તથા મિત્ર છે.