ચોમાસાને લઈ માઠા સમાચાર, હજુ બે દિવસ રાહ જોવી પડશે, જુઓ ક્યાં અટવાયું

Gujarat Rain Update: ગુજરાતના વિવિધ ભાગોમાં છૂટોછવાયો વરસાદ પડી રહ્યો છે. પરંતુ મધ્ય ગુજરાત અને ઉત્તર ગુજરાતના લોકો વરસાદની રાહ જોઈ રહ્યા છે. આ દરમિયાન હવામાન વિભાગ આગાહી અનુસાર, આગામી બે દિવસમાં ચોમાસું આગળ વધી શકે છે. કારણ કે ચોમાસું હજુ પણ નવસારીમાં અટવાયેલું છે. આ જિલ્લામાં વરસાદ પડી શકે છેઆજે (21મી જૂન) સવારે છોટાઉદેપુરના ક્વાંટ અને વાપીમાં વરસાદી ઝાપટા પડ્યા હતા. બીજી તરફ આજે સૌરાષ્ટ્રના કેટલાક વિસ્તારમાં વરસાદની આગાહી કરવામાં આવી છે.  અમરેલી, પોરબંદર, ભાવનગર, જૂનાગઢ, ગીર સોમનાથ, સુરત, નવસારી, વલસાડ, વડોદરામાં વરસાદ પડી શકે છે. અંબાલાલ પટેલે શું કરી આગાહી?હવામાન નિષ્ણાત અંબાલાલ પટેલે આગાહી અનુસાર, 23મી જૂનથી દક્ષિણ ભારતમાં ભારે વરસાદની શરૂઆત થશે. ત્યારબાદ 30મી જૂન સુધીમાં ચોમાસું સમગ્ર ગુજરાતમાં જોવા મળશે. 24મીથી 26મી જૂનની વચ્ચે રાજ્યના મોટાભાગના વિસ્તારોમાં મેઘમહેર જોવા મળશે. આજથી દક્ષિણ ગુજરાતમાં વરસાદની શરૂઆત થઈ ગઈ છે અને 30મી જૂન મગ્ર ગુજરાતમાં વરસાદ થવાની શક્યતા છે. આ ઉપરાંત રાજ્યમાં સર્વત્ર વરસાદ 24મી થી 30મી જૂનની વચ્ચે જોવા મળી શકે છે.હવામાન વિભાગની આગાહીહવામાન વિભાગની આગાહી અનુસાર, 21મી જૂને અમદાવાદ, આણંદ, વડોદરા, સુરત, નવસારી, વલસાડ, તાપી, દમણ ,દાદરા નગર હવેલી, પોરબંદર, જુનાગઢ, અમરેલી ભાવનગર, ગીર સોમનાથ ,દીવ ,કચ્છ વરસાદ પડી શકે છે. 22મીથી 23મી જૂને સાબરકાંઠા, અરવલ્લી, દાહોદ, મહીસાગર, પંચમહાલ, વડોદરા, છોટાઉદેપુર, નર્મદા, ભરૂચ, સુરત, ડાંગ, નવસારી, વલસાડ, તાપી, દમણ, દાદરા નગર હવેલી, પોરબંદર, જુનાગઢ, અમરેલી, ભાવનગર, ગીર સોમનાથ, દીવ, કચ્છમાં વરસાદનું અનુમાન છે. આ ઉપરાંત આગામી 24મી, 25મી અને 26મી જુને સમગ્ર રાજ્યમાં હળવાથી મધ્યમ વરસાદ પડી શકે છે.