Vadodaraના બિલ્ડર ઉત્તરાખંડમાં તણાયા નદીમાં, દેવપ્રયાગ સંગમમાં ગયા હતા સ્નાન કરવા

વડોદરાના બિલ્ડર સમીર શાહ ઉત્તરાખંડમાં નદીમાં તણાઈ ગયા છે,મિત્રની પુત્રીના લગ્નમાં ઋષિકેશ ગયા હતા અને ત્યારબાદ મિત્રો સાથે દેવપ્રયાગ સંગમમાં સ્નાન કરવા ગયા હતા તે દરમિયાન આ ઘટના બની હોવાની વાત સામે આવી છે,ત્યારે આ ઘટના બનતા પરિવારમાં આક્રંદ છવાયો છે,સનસીટી ગ્રુપના બિલ્ડર હતા સમીર શાહ.

હાથમાંથી રેલિંગ છૂટી જતા સમીર શાહ તણાયા

ઉત્તરાખંડના દેવપ્રાગ સંગમમાં લોકો સ્નાન કરવા જતા હોય છે અને આધ્યાત્મિકતાનો અનુભવ કરતા હોય છે,ત્યારે આવી જ એક ઘટના વડોદરાના બિલ્ડર સાથે બની છે જેમાં તેઓ મિત્રો સાથે સ્નાન કરવા ગયા અને હાથમાંથી સાંકળ છૂટી જતા તેઓ નદીના પ્રવાહમાં તણાઈ ગયા હતા ઘટનાની જાણ થતાની સાથે જ સ્થાનિક તરવૈયા અને વહીવટી તંત્ર દ્વારા શોધખોળ શરૂ કરવામાં આવી છે,ત્યારે હજી સુધી બિલ્ડરનો મૃતદેહ મળી આવ્યો નથી.

સનસીટી ગ્રુપના બિલ્ડર સમીર શાહ દેવપ્રયાગ ખાતે તણાયા નદીમાં

બિલ્ડર સમીર શાહ મિત્રની પુત્રીના લગ્નમાં હાજરી આપવા ઋષિકેશ પહોંચ્યા હતા ત્યારે સમય મળતા ઋષિકેશથી 70 કિલોમીટર દૂર દેવપ્રયાગ સંગમ સ્થાને મિત્રો સ્નાન કરવા જવાનો પ્રોગા બનાવ્યો હતો મિત્રો પણ સ્નાન કરી રહ્યાં હતા અને નદીમાં પાણીનો પ્રવાહ પણ વધુ હતો તે દરમિયાન બિલ્ડરનો પગ લપસી જતા હાથમાં રહેલી રેલિંગ છૂટી ગઈ અને તેઓ પાણીના પ્રવાહમાં તણાઈ ગયા હતા,પુત્ર મિથિલને ઘટનાની જાણ થતા તેઓ પણ ચાર્ટર્ડ ફલાઈટ મારફતે ઉત્તરાખંડ પહોંચ્યા હતા.

પોલીસની અને ફાયરની ટીમ ઘટના સ્થળે

સમગ્ર ઘટનાની જાણ થતાની સાથે જ પોલીસ અને ફાયરની ટીમ ઘટના સ્થળે પહોંચી હતી તો ફાયરની ટીમ દ્વારા બિલ્ડરની શોધખોળ કરવામાં આવી રહી છે.બચાવ કામગીરી કરતી ટીમો દ્વારા હેલીકોપ્ટરની મદદ પણ લેવામાં આવી હતી. બિલ્ડર સમીર શાહ જે જગ્યાથી તણાયા હતા ત્યાંથી આગળના વિસ્તારમાં હેલીકોપ્ટર દ્વારા શોધખોળ શરૂ કરવામાં આવી હોવાનું જાણવા મળ્યું હતું.