Vadodaraમાં ડેન્ગ્યુથી મચ્યો હાહાકાર, 24 કલાકમાં 58 શંકાસ્પદ કેસ નોંધાયા

વડોદરામાં ડેન્ગ્યુના કેસ વધતા લોકો ચિંતામાં મૂકાયા છે.એક જ દિવસમાં ડેન્ગ્યુના શંકાસ્પદ 58 કેસ નોંધાયા છે જેમાંથી 6 દર્દીઓ ડેન્ગ્યુ પોઝિટિવ નોંધાયા છે.શંકાસ્પદ મેલેરિયાના 71 કેસ અને ઝાડા ઉલટીના 71 કેસ નોંધાયા છે.તંત્ર દ્રારા અલગ-અલગ વિસ્તારોમાં ફોગીંગ અને દવાનો છંટકાવ કરવામાં આવે તે જરૂરી બન્યું છે. રોગચાળો વધ્યો વડોદરામાં રોગચાળાએ માથુ ઉંચકયુ છે,સ્થાનિકોનું કહેવું છે કે ઘરે ઘરે માંદગીના ખાટલા જોવા મળ્યા છે સાથે સાથે લોકોને તાવ આવે છે અને ઘણીવાર પીવાનું પાણી પણ દૂષિત આવે છે જેના કારણે લોકોને તકલીફ પડી રહી છે.સરકારી હોસ્પિટલમાં પણ દર્દીઓની લાઈન જોવા મળે છે સામાન્ય દિવસો કરતા અત્યારે દર્દીઓની લાઈન બમણી જોવા મળે છે,ફકત વડોદરા શહેર જ નહી પરંતુ આસપાસના ગામડાઓમાં પણ ડેન્ગ્યુના કેસોમાં વધારો થયો છે. ડેન્ગ્યુ એટલે શું ડેન્ગ્યુ ફીવર વાઇરલ રોગ છે, આ રોગ મચ્છર એડીસ ઇજિપ્તી, એડીસ અલ્બોપીટક્સ દ્વારા ફેલાય છે. એડસી મચ્છર ડેન્ગ્યુ ઉપરાંત ચિકનગુનિયા , યલોફિવર અને ઝીકા વાઇરલ ઇન્ફેકશન ફેલાવે છે. દુનિયાના 50% લોકો આ રોગ થવાના જોખમમાં રહે છે. ભારે પ્રકારનો ડેન્ગ્યુ જેને ડેન્ગ્યુ હેમરૅઝીક ફીવર કહેવામાં આવે છે જીવલેણ નીવડે છે. ઉકાળેલુ પાણી પીવુ જોઈએ વાતાવરણને કારણે પણ વાઇરલ ઇન્ફેક્શન સહિત પાણીજન્ય અને મચ્છરજન્ય રોગનો ખતરો વધી જાય છે તેવામાં બાળકોનું ખાસ ધ્યાન રાખવું ખૂબ જ આવશ્યક છે અને પાણીજન્ય રોગથી બચવા માટે ઓછામાં ઓછી 20 મિનિટ જેટલું પાણી ઉકાળીને ઠંડું પાડીને ગાળીને પીવું જોઈએ.ચોમાસાની સિઝનમાં પાણીજન્ય અને મચ્છરજન્ય રોગચાળો ફેલાય છે અને આ વર્ષે વરસાદ હજું પણ સતત પડી રહ્યો છે જેના કારણે અમદાવાદ શહેરમાં રોગચાળો વકરી રહ્યો છે. શહેરના ખાનગી દવાખાનાઓ અને સરકારી દવાખાનાઓ દર્દીઓથી ઉભરાઇ રહ્યા છે. મચ્છરનું ઉત્પાદન વધ્યું વરસાદના વિરામ બાદ સ્થિર અને બંધિયાર ચોખ્ખા પાણીમાં એડિસ મચ્છર ઈંડા મુકે છે. જેમાંથી પ્રથમ પોરા ત્યાર બાદ પ્યુપા તેમજ પુખ્ત મચ્છર બને છે. આમ ઈંડામાંથી પુખ્ત મચ્છર બનતા 7થી 10 દિવસનો સમય લાગે છે. મચ્છરનું જીવનચક્ર ટુંકુ હોય છે અને પુનઃ ઉત્પત્તિ ઝડપી હોવાથી તેનો ફેલાવો થોડા સમયમાં ખૂબ ઝડપથી થાય છે. ખાસ કરીને શહેરી વિસ્તારોમાં લોકોમાં સાફસફાઈના અભાવ, પોતાના સ્વાાસ્થય પ્રત્યેં બેદરકારી અને માનવીય બેદરકારીથી સહેલાઈથી મચ્છરને પ્રજનન માટે મળી રહેતા ચોખ્ખા પાણીના પાત્રોને કારણે મચ્છરની ઉત્‍૫તિ વધી જાય છે.